Ang sumusunod na maiikling patotoo ay ipinahayag sa dalawang paningit
ng piling musikang "Choose That Good Part."
Janet Edwards, misyonera sa Utah Salt Lake City Temple Square na taga-New
York: Nakatira ako noon sa New York City, na nasisiyahan sa makamundong
teatro. Dahil sa nakakalungkot na mga nangyari noong 9/11, masakit malaman
na pansamantala lang ang kagalakan ko. Mali ang pinili kong paglingkuran;
nalimutan kong dapat unahin si Jesucristo. Noon di'y ginawa ko ang pinakamahalagang
desisyon sa buhay ko—pinili ko ang Panginoon—ang Kanyang
kapayapaan at kaligayahan.
Galina Pershina, misyonera sa Utah Salt Lake City Temple Square na
taga-Russia: Nang sumapi ako sa Simbahan sinabihan ako ng pamilya
ko na huwag silang kumbinsihin. Habang nasa misyon ako, nagkasakit nang
malubha si Inay. Inalagaan siya nang husto ng mga Relief Society sister
sa Russia. Kapag kasama niya sila dama niya ang nadarama kong espiritu;
mas malapit siya sa akin; nadarama niya ang pag-ibig ni Cristo.
Florence Chukwurah, Relief Society general board member
na taga-Nigeria: Maaga kong pinili sa buhay ko na makaahon sa
hirap at masigasig na hanapin ang Diyos. Ipinasiya kong maging masunurin
sa aking mga magulang at nakatatanda at maging seryoso sa pag-aaral.
Nagpasiya akong magsikap nang husto. Dininig ng Panginoon ang aking mga
dalangin at biniyayaan ako at ang pamilya ko sa aking mga pagsisikap.
Donna S. Packer, maybahay ni Pangulong Boyd K. Packer, Gumaganap na
Pangulo ng Korum ng Labindalawang Apostol; ina; lola; at lola-sa-tuhod
na taga-Utah: Sa pagpiling magkaroon ng sarili kong patotoo—sa
araw-araw na mga pagsubok ko sa buhay, hindi ako makakaasa sa hiram na
liwanag. Ni hindi ako makakasandig magpakailanman sa espirituwal na kaalaman
ng iba. Ako mismo ang kailangang makaalam. At tanging kapangyarihan lang
ng Espiritu Santo ang makakapagpatotoo sa ating kaluluwa, na si Jesus
ang buhay na Cristo. Alam ko ito.
Previous
