Talafaasolopito o le Ekalesia
O Ekalesia Kerisiano i Ona Po o Iosefa Samita


“O Ekalesia Kerisiano i Ona Po o Iosefa Samita,’ Autu o le Talafaasolopito o le Ekalesia

“O Ekalesia Kerisiano i Ona Po o Iosefa Samita”

O Ekalesia Kerisiano i Ona Po o Iosefa Samita

Ina ua tatalo Iosefa Samita talavou ina ia iloa “po o fea o lotu e sa’o,” masalo sa ia mafaufau i nai ekalesia Porotesano sa ia fetaiai ai e lata ane i lona nuu.1 I se tasi faamatalaga, sa ia faamatalaina ai le Metotisi, Peresipeteriane, ma le Papatiso o loo finau mo lona auai, ma atonu na ia mafaufau foi i nisi lotu. Ua faateleina le vaega o filifiliga faalelotu i le salafa o le seneturi talu ai, ma o le toatele o tagata Amerika e mafai ona iloa eseesega i le va o le tele o “lotu.”

O le tele o lotu i le Iunaite Setete i le taimi o le soifuaga o Iosefa Samita o le lotu Porotesano. E ui na faateleina le Katoliko Roma i le Iunaite Setete i le amataga o le vaitausaga o le 1800, na o se aofaiga toalaiti o le Katoliko na avea ma tagata o le Au Paia o Aso e Gata Ai. O Tagata Porotesano i Amerika, faatasi ai ma ona vaega felanulanuai ma faigata, e masani ona avea ma tulaga faalelotu mo uluai Au Paia o Aso e Gata Ai.

Toefaatulagaina o Europa ma Ekalesia Porotesano

O le tele o faitioga e faasaga i le ekalesia Katoliko anamua na taitai atu ai i le fevaevaeiga o le tulaga Kerisiano i Europa i Sisifo, lea ua lauiloa i le taimi nei o le Toefuataiga. Na taitai e Matini Luteru se gaoioiga o le toefuataiga i Siamani i le ogatotonu o le vaitau o le 1500 lea na faaigoaina i lona igoa. O John Calvin, o se faatusa talavou o Luteru, sa atinaeina se talitonuga loloto ma taumafai e faatino ona manatu mo se aulotu i Sineva, Suiselani. O Luteru ma isi tagata na toefaatulagaina mataupu faalelotu e pei o Philipp Melanchthon ma Huldrych Zwingli na tusia ni faamatalaga o le talitonuga ua iloaina o ni “mea e tautau atu,” lea na taliaina e o latou tagata o ni tulafono o le faatuatua. O isi, e aofia ai sui o le solo a le Anabaptist, na tetee i le talitonuina o nisi o nei mea e tautau atu.

Na atinae e Kerisiano Peretania ni aga masani ese mo le tele o seneturi, ae sa latou matua o ese mai le Katoliko Roma ina ua faasilasila atu e le Palemene o Peretania o le Tupu o Enele  le VIII o le faaao o le Ekalesia a Egelani e ala i le tulafono i le 1534. Na aafia le Ekalesia a Egelani (Anglican) i se faasologa o solo toefaatulaga i totonu mo le isi selau tausaga, taitai atu ai i Puritan, Presbyterian, ma nofoaga a le au Saluu, lea na vavae ese mai le au Anglicanism. Na faaauau nei feeseeseaiga i Atlantic atoa a’o nofoia ai e tagata fai mai lo latou nuu fou i Amerika i Matu.

Salalau atu o Lotu i le Popofou o le Iunaite Setete

O le malo faakolone i Amerika Peretania na mulimuli i se mamanu Europa e ala i le lagolagoina o nisi ekalesia o i ai ni tusi aloaia ma lagolagoina i latou i tupe maua o lafoga. Na matua faatupulaia ia Faalapotopotoga o ekalesia i lalo o nei tusi, avea ma [ekalesia] malosi i kolone i matu i le ogatotonu o le vaitau o le 1700. Na fiafia le Lotu Egelani i fuainumera tetele i kolone i le ogatotonu, peitai ina ua fevaevaeaia e le Taua i totonu o Amerika ni tagata lotonuu ma i latou na faamaoni ia Peretania, na faataumamao e le au Egelani i Amerika i latou mai le latou lotu autu ma vaetamaina se igoa fou, o le Ekalesia Episcopal.

Ua tuuina mai e kolone le saolotoga o tapuaiga, ma na manuia nisi o gaoioiga faalelotu i Amerika i Matu lea latou te le’i vaaia ai se tuputupu ae i Europa. Mo se faataitaiga, o le solo a le Metotisi na tosinaina le tele o le fuainumera i Amerika i Matu nai lo Egelani lava ia. Ma o Kerisiano ia na tautino atu le papatisoina e ala i le faatofu na amataina ai faalapotopotoga Papatiso i Amerika e pei lava ona auina atu e le malo o Egelani o latou tagata Europa i le falepuipui.

Na faalauteleina filifiliga faalelotu ina ua mavae le faavaeina o le Iunaite Setete i le faaiuga o le vaitau o le 1700. O le Faavae o le Iunaite Setete ma tulafono a setete taitasi na iu ina faaleaogaina ia maliega po o tusi a ekalesia e lagolagoina e le malo, tatala ai le ala mo le tele o isi auala e olaola ae ai. Na faateleina le fuainumera o le lotu Metotisi ma le lotu Papatiso, ma punitia ai Faalapotopotoga o ekalesia, ia sa avea ma ekalesia sili ona tele i Amerika i Matu, i le ogatotonu o le vaitau o le 1800.

Na faatulagaina ekalesia i nisi taimi e ala i o latou tulaga faalefaalapotopotoga ma faiga o tapuaiga. Mo se faataitaiga, episcopalians na ta’ua i nisi taimi o le “lotu-maualuga” ona latou te faamamafaina ia sauniga sili ona aloaia ma le tulaga maualuga o le Ekalesia a Egelani lea na maua mai mai le Katoliko. O le lotu Metotisi ma le lotu Papatiso, i le isi itu, e fiafia i le “faaitiitia o le ekalesia”, faamamafaina le aafiaga faaleagaga patino ma le liua nai lo pulega ma sauniga faafaifeau. O tagata Kerisiano, po o Evagelia mai “ekalesia ua faaitiitia, e pei ona ta’ua mulimuli ane, na saofaga i le tele o gaoioiga toefuatai faalelotu ma faaagafesootai ma sa i ai se matafaioi taua i le uunaiga o faamalosiauga lea na tusia e Iosefa Samita i lana talaaga. O uunaiga sa masani ona fuafua e faamalosia ai Kerisiano uma nai lo le sailia ia manumalo i tagata liliu i se vaega faapitoa. O lenei gaoioiga faaEvagelia, faatasi ai ma le faasalalau atu o filifiliga faalelotu, na taitai atu ai i se faateleina naua i le auai i le lotu ma fegalegaleaiga faalelotu i le Iunaite Setete.

Talaaga Faalelotu o Uluai Tagata o le Ekalesia

Na faaaofia e uluai Tagata o le Au Paia o Aso e Gata Ai le tele o tagata o le lotu Metotisi, Presbyterians, ma le Lotu Papatiso, faapea foi ma nisi o Faalapotopotoga, Lotu Luteru, Episcopalians, Saluu, Sieka, ma Porotesano e lei aloaia le fesootai atu i se faalapotopotoga. E tasi se alalafaga o Tagata Papatiso ua Toefaatulaga i Ohaio lea na sailia se toefuatai mai o tulaga faaKerisiano anamua e pei ona i ai i le Feagaiga Fou. Na fetaiai lenei vaega ma faifeautalai o le Au Paia o Aso e Gata Ai i le 1830, ma o le toatele na talitonu i le Tusi a Mamona. O isi tagata o lenei vaitaimi o le Toefuataiga na amatalia se faatuatuaga ese, ua lauiloa o le Ekalesia a Keriso (Soo o Keriso).

E ui na lafoai e le Au Paia o Aso e Gata Ai o latou sootaga ma o latou ekalesia anamua, ae sa latou aumaia ma i latou le tele o tu ma aga masani ma talitonuga ina ua latou liliu mai i le Au Paia. Na tele le saofaga a lenei talaaga Kerisiano mauoa i le aganuu o le Ekalesia anamua.

Autu Fesootai: O Talitonuga Faalelotu i Ona Po o Iosefa Samita, O Fafagu ma le Toefaaolaolaina, O Tala i le Uluai Faaaliga a Iosefa Samita

Faamatalaga

  1. Joseph Smith, “History, 1838–1856, Volume A-1 [23 December 1805–30 August 1834],” 1–3, josephsmithpapers.org.