Adzesua Mboa horow

Asɔr Abakɔsɛm Mfonyin Horow

Dza Ɔwɔ Mu
Mbueienyi
Hwɛbew
1. Kwaa Krɔnkrɔn
2. Koko Cumorah na Palmyra-Manchester Apaamu
3. Joseph Smith Panyin no Nduadan
4. Grandin Tsintsimfir na Nwomatsintsim Dan
5. Esutsen Susquehanna
6. Peter Whitmer Panyin Fie ne Bea
7. Newel K. Whitney na Ɔdodow Fiadze
8. John Johnson Fie
9. Kirtland Temple
10. Adam-ondi-Ahman
11. Far West Temple Bea
12. Liberty Efiadze
13. Fi Kɛse a ɔwɔ Nauvoo
14. Joseph Smith Kakraba ne Mbirikisi Kɔkɔɔ Fiadze
15. Nauvoo Temple
16. Carthage Efiadze
17. Anee Nkɔree
18. Salt Lake Temple

Asɔr Abakɔsɛm Mfonyin Horow

Asɔr Abakɔsɛm Mfonyin Horow

Mbueienyi
Asɔr abakɔsɛm mbea mfonyin tsitsir yinom kyerɛ nsaase a Nda a Odzi Ekyir edzikamfo no nantsewee, bea a ndɛ mber yi mu nkɔnhyɛfo atsena na wɔakyerɛkyerɛ na mbea a kyerɛwsɛm mu nsɛm pii sisii wɔ.
Hwɛbew
Map a odzi do yi no kyerɛ bea a mfonyin a ɔwɔ ɔfã yi mu no wɔ. Nkrataafa a odzi do no, mfonyin nkanee biara no wɔakyerɛ bea a nsɛm no sisii. Kyerɛwsɛm no mu dza no ho hia tsitsir wɔ bea no do no wɔakyerɛw ne nyinara a, kyerɛwsɛm no no ntõtõho nyina so kã ho ama eetum ehu mbea a ibotum akenkan ehu no ho nsɛm pii wɔ.
1. Kwaa Krɔnkrɔn
Kwaa Krɔnkrɔn no wɔ Palmyra na Manchester Nkurow mu, wɔ New York. Ndua kwaa yi wɔ anee, bɛn bea a Smith ebusua no hɔn nduadan kakraba no ne sibew wɔ wɔ 1820 mu.
2. Koko Cumorah na Palmyra-Manchester Apaamu
Erohwɛ etsifi afamu no, mfonyin yi kyerɛ Koko Cumorah a ɔwɔ Manchester, New York. Wohu koko no wɔ mfonyin no ne nyimfa ase nkyɛn hɔ na ɔtsen tra ne finimfin dze kɔ no sor hɔ. Nkaadze fufuw a wohu no wɔ koko no n’etsifi afamu hɔ no hyɛ ɔbɔfo Moroni na Mormon Nwoma ne mbae no enyimnyam. Koko Cumorah no wɔ Kwaa Krɔnkrɔn no n’anaafo boka afamu hɔ bɛyɛ kilomita 5. Palmyra bɛn mfonyin no n’etsifi nkyɛn hɔ, ofi koko no ho kɔ hɔ ne tsentsen yɛ kilomita 6½. Smithfo hɔn haban na Kwaa Krɔnkrɔn no wɔ mfonyin no n’abankum sor afamu hɔ.
3. Joseph Smith Panyin no Nduadan
Joseph Smith Panyin ne fie ne saso, woesi no wɔ bea a nkyɛ nduadan kan dze no wɔ a ɔbɛn Palmyra, New York. Smith ebusua no dur Palmyra no annkyɛr koraa na wosii abansor-1½ a wɔdze ndua a wɔasen yɛe. Ebusua no tsenaa ha fi 1819 dze kesi 1825 mu.
4. Grandin Tsintsimfir na Nwomatsintsim Dan
Egbert B. Grandin ne nwomatsintsim dan no a wɔasan ayɛ no yie no a ɔwɔ Palmyra, New York no, nye bea a wotsintsiim Mormon Nwoma a odzi kan no wɔ na wɔdze puee guado wɔ 1830 mu. Martin Harris dze ne haban kesii ahoba na ɔtɔɔn ne fã bi dze tuaa Mormon Nwoma dodow 5,000 ne ntsintsimii ho kaw. Wɔhyɛɛ ase dɛ woritsintsim wɔ Dzifuu 1829 mu na wowiee no wɔ Ebɔw 26, 1830 mu na wɔdze puee guado.
5. Esutsen Susquehanna
Mfonyin yi kyerɛ Esutsen Susquehanna a ɔwɔ Harmony Kurow mu, wɔ Pennsylvania.
6. Peter Whitmer Panyin Fie ne Bea
Nduadan yi gyina hɔ ma asɔpɔkan Peter Whitmer Panyin ne Fie a ɔwɔ Fayette, New York no.
7. Newel K. Whitney na Ɔdodow Fiadze
Newel K Whitney Fiadze yi dzii dwumason ara yie wɔ Asɔr no n’abakɔsɛm mu wɔ Kirtland. Joseph na Emma tsenaa ha mber tsiabaa. Nsa kãa nyikyerɛ tsitsir pii wɔ ha. Nkɔnhyɛfo hɔn Skuul no wɔyɛɛ no wɔ fiadze no mu ofi Sanda 24, 1833 mu dze kesi aber bi wɔ Ebɔbira 1833 mu.
8. John Johnson Fie
John na Alice Johnson hɔn fie wɔ Hiram, Ohio. Pia yi wɔ abansor.
9. Kirtland Temple
Kirtland Temple no wɔ Kirtland, Ohio.
10. Adam-ondi-Ahman
Erohwɛ anaafo dze kɔ Adam-ondi-Ahman Bɔnsa no, bɔnsa fɛɛfɛw bi taa hɔ dzinn a ɔwɔ Missouri etsifi-anee afamu hɔ a ɔbɛn Gallatin asoɛe.
11. Far West Temple Bea
Far West ntsenae, Missouri, bɛyɛɛ Ahotseweefo 3,000 dze kɔ 5,000 a nna wɔrohwehwɛ sumabew efi atseetsee mu wɔ Jackson na Clay County mu no hɔn fie. 1838 mu no Ewuradze hyɛɛ Ahotseweefo no dɛ wonsi temple wɔ ha (hwɛ N&A 115:7–8). Dɔm no hɔn atseetsee no siiw hɔn kwan dɛ wobesi. Dɛm afe no Ɔbɛsɛ 31, 1838 mu no wɔkyeer Nkɔnhyɛnyi Joseph Smith nye Asɔr no mu banodzifo binom, na hɔn Atsɛmbu asɛndzii ekyir wɔ Richmond no, wɔdze hɔn guu Liberty Efiadze. Awɔwber mu 1838–1839 mu no wɔpaam Nda a Odzi Ekyir Ahotseweefo no fii Far West na mbeambea a ɔwɔ Missouri hɔ ma wɔkɛtsenaa Illinois.
12. Liberty Efiadze
Efiadze kakraba bi a ɔwɔ Liberty, Missouri bɛyɛ 1878 mu. Wɔdze Joseph Smith nye enuanom beenum binom guu efiadze wɔ atsɛnkyew mu wɔ bea a n’afasu ne tɛtɛr yɛ meter 1.2 fi Mumu 1, 1838 dze kesi Ebɔbira 6, 1839. (Woyii Sidney Rigdon Kwakwar n’ewiei.) Wɔdze hɔn koguu efiadze n’ase dan no mu, wɔdaa ɔbo winwin do, a wɔdze sar akata famu hɔ, kan ketseketse bi na ɔwɔ hɔ nna wonnya biribi papa bi mmfa nnsɔw awɔwber no.
13. Fi Kɛse a ɔwɔ Nauvoo
Joseph Smith Kakraba nye n’ebusua kɔree kɛtsenaa Fi Kɛse no mu wɔ Nauvoo Dzifuu 1843 mu. Ekyir no wɔtserɛɛw dan no mu wɔ no boka afamu, mpia no dodow yɛ 22. Sanda n’ahyɛse wɔ 1844 mu no, Ebenezer Robinson dze fie no yɛɛ ahɔho-dan, na Nkɔnhyɛnyi no faa mpia esia dze maa n’ebusua. Wɔdze fie no yɛɛ biribi tse dɛ Nauvoo manmufo agodzibea. Ha na Nkɔnhyɛnyi no hyiaa nkorɔfo ekunyin.
14. Joseph Smith Kakraba ne Mbirikisi Kɔkɔɔ Fiadze
Joseph Smith Kakraba ne fiadze na ɔfese a wɔasan esi no wɔ Nauvoo, Illinois. Nna ɔyɛ adan a no ho hia ara yie no mu kor wɔ Asɔr no mu wɔ Nauvoo mber mu. Nnyɛ dɛ ɔyɛ fiadze nko, hɔ bɛyɛɛ bea a wɔgye enyi wɔ, wodzii gua, wɔkã amansɛm wɔ, nna wodzi nyamesom mu dwuma so wɔ hɔ. Joseph Smith dze abansor a otsĩa ebien no yɛɛ ne ɔfese.
15. Nauvoo Temple
Nauvoo Temple a odzi kan no wɔdze asaase no do limestone a n’enyi tse dɛ nsõ fufuw sii. Dan no ne tsentsen yɛ meter 39 na ne tɛtɛr yɛ meter 27. N’etsifi abantsentsen no ne tsentsen yɛ meter 48 fi famu. Asɔrmba no bɔɔ afɔr kɛse ma wɔdze sii temple fɛɛfɛw yi, wɔhyɛɛ edwuma no ase 1841 mu. Binom yɛɛ edwuma wɔ dan no ho abosoom pii; binom so dze hɔn sika bɔɔ afɔr abosoom kakra mu ansaana woruguan akɔ Anee no ber a wonnwiee temple no si mpo no nna asɔrmba a wɔrebɛyɛ hɔn ayɛdze no hyɛ temple no mu mã. Ber a Ahotseweefo no hɔn mu pii fii Nauvoo wɔ fefɛwber n’ahyɛse wɔ 1846 mu ber a basabasayɛfo rehaw hɔn no, edwumayɛfo kuw bi kaa ekyir dɛ wɔrosɔw edwuma no do dze ewie temple no. Ebɔbira 30, 1846 mu no, Elderfo Orson Hyde na Wilford Woodruff a wɔkã Duebien no hɔn Quorum ho no na nyimpa bɛyɛ 20 na wotuu Ewuradze ne fie no hyɛɛ Nyame nsa. Wogyaa temple no hɔ Fankwa mu ber a wɔpaam Asɔrmba a wɔaka no fii Nauvoo. Nkyii dɔm no guu dan krɔnkrɔn no ho fĩ. Ogya hyeew no mu ndzɛmba no Ɔbɛsɛ 1848 mu. Temple a woesi no bio no (no mfonyin wɔ ha yi) yɛ dza odzii kan no ne saso ara pɛr, na President Gordon B. Hinckley na otui hyɛɛ Nyame nsa Obiradzi 27–30, 2002 mu.
16. Carthage Efiadze
Efiadze-dan no wɔ Carthage kurow no mu, wɔ Illinois.
17. Anee Nkɔree
Worubotu efi Nauvoo, Illinois ahyɛse no, wɔhyehyɛɛ dɛ wobefi hɔ Ebɔw—Ebɔbira, mbom osiandɛ nna dɔm no rehaw hɔn no ntsi President Brigham Young kyerɛɛ dɛ Ahotseweefo no nhyɛ ase ntwa Esutsen Mississippi no Kwakwar 4, 1846 mu. President Young kaa ekyir yɛɛ Ahotseweefo no hɔn endowment maa hɔn ntsi oemmfi Nauvoo hɔ kɛpeem Kwakwar ne finimfin.
18. Salt Lake Temple
Salt Lake Temple a wɔrohwɛ no fi etsifi-boka afamu. Nda a Odzi Ekyir Ahotseweefo edzikamfo ekuw no mu dza odzii kan no hɛɛn Salt Lake Bɔnsa no mu nda kakra ekyir no, President Brigham Young dze no poma bɔɔ famu na ɔpaa mu kãa dɛ “Ha na yeribesi hɛn Nyankopɔn ne temple no.” Wotuu famu Kwakwar 14, 1853. Ebɔbira 6, 1853, na wɔtoow kutuwdo-bo. Wowiee temple no si na wotui hyɛɛ Nyame nsa mfe eduanan ekyir wɔ Ebɔbira 6, 1893. President a Odzi Kan na n’Apamfo nye Asomafo Duebien Quorum no hyia mu dapɛn biara dze dwendwen na wɔhwehwɛ Ewuradze hɔ kwankyerɛ mfa mbrɛ wonsi nhwɛ do na wɔnkyekyer Nyankopɔn n’ahenman no.