O le Faapaologa a Mamona i le Faaaliga a le Lalolagi i le 1970

Ata

Faapaologa a Mamona

I le 1970, o se faatusa o le toe fausia o Iapani mai le Taua Lona II a le Lalolagi, na faia ai i Osaka le uluai Faaaliga a le Lalolagi i Asia. Faatasi ai ma le autu o le “Agai i Luma ma le Lotogatasi mo Tagata,” o le taualumaga e fitu masina [le umi] na aofia ai sui mai atunuu e 77 ma sa faafeiloaiina ai le silia ma le 64 miliona o tagata asiasi.

Sa auai le Ekalesia i le faaaliga ma se Faapaologa telē a Mamona. Na toeitiiti 7 miliona tagata na asiasi atu i le faapaologa ma sa aoaoina puupuu ai le savali o le talalelei toefuataina. E tusa ma le 780,000 tagata Iapani na tuuina mai o latou faamatalaga e faafesootai ai ma talosagaina faifeautalai e asiasi atu i o latou aiga. O lenei avanoa sa lei tupu muamua e faasoa atu ai le talalelei i tagata lautele o Iapani na faia ai se aafiaga loloto i le Ekalesia.