Pilipinas: Han-ay sa mga Panghitabo

Agosto 21, 1898 • Manila, PilipinasSila si George Seaman ug Willard Call, mga Santos sa Ulahing mga Adlaw nga nagserbisyo sa U.S. nga militar, mipahigayon sa unang tulumanon sa Simbahan (Church service) sa Pilipinas. Sa wala pa sila mobiya sa Estados Unidos, ang duha gi-set apart isip mga misyonaryo.

1941–45 • PilipinasAng Amerikano nga mga Santos sa Ulahing mga adlaw mibalik sa Pilipinas pinaagi sa pagserbisyo sa militar atol sa Ikaduhang Gubat sa Kalibutan. Ang presensya sa U.S. nga militar, nga naglakip sa mga Santos sa Ulahing mga Adlaw, nagpabilin human sa gubat.

1945 • ManilaSi Aniceta Pabilona Fajardo nahimong kinaunhan nga Pilipino nga nabunyagan sa Pilipinas. Siya lang ang kinabig nga nabunyagan sa mga 1940.

Pebrero 13, 1953 • LuzonAng Luzon Servicemen’s District giorganisar.

Agosto 21, 1955 • Clark Air Base, PilipinasSi Presidente Joseph Fielding Smith sa Korum sa Napulog Duha ka mga Apostoles mipahinungod sa Pilipinas alang sa pagsangyaw sa ebanghelyo.

1957 • PilipinasSi Kendall B. Schaefermeyer, usa ka sundalo sa U.S. Navy, mitudlo ug mibunyag sa upat ka Pilipino ug mitudlo sa laing sobra sa 20 pa ka tawo.

1960 • PilipinasSi Elder Ezra Taft Benson sa Korum sa Napulog Duha ka mga Apostoles ug si Elder Gordon B. Hinckley, Assistant sa Napulog Duha, nakighimamat sa mga grupo sa mga sundalo ug nakakita og nindot nga mga oportunidad alang sa misyonaryo nga buhat diha sa mga Pilipino.

Enero 22, 1961 • Clark Air BaseSi David Lagman, usa sa pipila ka kinabig sa mga 1950, nahimong kinaunhan nga Pilipino nga giordinahan ngadto sa Melchizedek nga Pagkapari.

1961 • PilipinasAng gobyerno sa Pilipinas mihatag og legal nga pag-ila sa Simbahan.

Abril 28, 1961 • PilipinasSi Elder Gordon B. Hinckley sa Korum sa Napulog Duha ka mga Apostoles opisyal nga miabli sa nasud alang sa misyonaryo nga buhat.

Hunyo 5, 1961 • ManilaSila si Ray Goodson, Harry Murray, Kent Lowe, ug Nestor Ledesma, ang kinaunhang mga misyonaryo nga mga Santos sa Ulahing mga Adlaw nga gitawag sa Pilipinas, misugod sa pagsangyaw sa nasud.

Agosto 10, 1961 • ManilaAng kinaunhang mga kinabig human sa pag-abut sa mga misyonaryo, sila si Catalino Brocka ug Jose Gutierrez Sr., gibunyagan didto sa swimming pool sa panimalay nila ni Edward ug Maxine Grimm.

Mayo 1963 • Siyudad sa Quezon, PilipinasSila si Mary Ellen Edmunds ug Carol Smithen, ang kinaunhang mga babaye nga mga misyonaryo nga gidestino sa Pilipinas, miabut.

Marso 1964 • San Fernando, PilipinasSi David Lagman gi-set apart isip presidente sa San Fernando branch.

Enero 1965 • Luzon DistrictAng kinaunhang Pilipino nga full-time nga mga misyonaryo nga gitawag gikan sa Pilipinas, sila si Catalino Brocka ug Emiliano Antonio Jr., gidestino nga moserbisyo sa Hawaii.

Oktubre 23, 1966 • Makati, PilipinasHuman ang mga miyembro nakadonar og mga pundo ug kusog aron matukod ang ilang kinaunhang meetinghouse, si Gordon B. Hinckley mibiyahe paingon sa Pilipinas aron ipahinungod ang gambalay.

Hunyo 28, 1967 • PilipinasAng Misyon sa Pilipinas giorganisar.

Agosto 10–12, 1975 • ManilaSi Spencer W. Kimball, Presidente sa Simbahan, si Barbara B. Smith, Kinatibuk-ang Presidente sa Relief Society, ug ang ubang mga lider sa Simbahan mitambong sa kinaunhang kinatibuk-ang komperensya sa area sa Pilipinas.

Abril 1, 1981 • Siyudad sa Salt Lake, UtahSi Spencer W. Kimball mipahibalo sa mga plano sa pagtukod sa Manila Philippines Temple.

Oktubre 3, 1983 • Siyudad sa QuezonAng Missionary Training Center sa Pilipinas opisyal nga giablihan.

1987 • PilipinasAng Philippines/Micronesia Area giestablisar nga adunay punoang buhatan sa Manila.

1989 • PilipinasSila si Moises ug Consuelo Ozo ang kinaunhang Pilipino nga magtiayon nga nagserbisyo sa misyon, gidestino ngadto sa Philippines Cebu Mission.

Disyembre 2–4, 1989 • Siyudad sa QuezonAtol sa kudeta batok sa gobyerno, ang mga rebelde misulod sa mga nataran sa templo ug sa pipila ka gambalay niini libut sa templo. Ang kudeta natapos sa pipila ka adlaw, ug bisan kon gibombahan ug girakrakan ang dapit, walay kadaut nga nahitabo sa templo.

1991•PilipinasAng mga Pilipino nakahimo og sobra sa 75 porsyento sa mga misyonaryo sa 12 ka misyon sa nasud.

Nobyembre 5, 1991 • Ormoc, PilipinasAng mga miyembro sa Simbahan mipadala og tabang ngadto sa mga biktima human nga ang Bagyong Uring (internasyonal nga ngalan Thelma) miigo sa Leyte. Baynte-dos ka miyembro sa Simbahan ang naapil niadtong nangamatay tungod sa bagyo.

Oktubre 3, 1992 • PilipinasSi Elder Augusto A. Lim, ang kinaunhang Pilipino nga General Authority, gipaluyohan isip usa ka Seventy.

1996 • Siyudad sa Salt LakeMga pinili gikan sa Basahon ni Mormon gimantala sa Waray-Waray.

Mayo 30, 1996 • ManilaSobra sa 35,000 ka tawo ang nagpundok aron maminaw sa Presidente sa Simbahan nga si Gordon B. Hinckley nga namulong ug mipanalangin kanila.

1998 • PilipinasAng kompletong mga hubad sa Basahon ni Mormon gimantala sa Tagalog, Cebuano, ug Pangasinan. Mga pinili gimantala sa Bikolano.

Pebrero 2002 • PilipinasAng Perpetual Education Fund gipaila sa Pilipinas.

Agosto 2002–Agosto 2004 • PilipinasSi Elder Dallin H. Oaks sa Korum sa Napulog Duha ka mga Apostoles miserbisyo isip Presidente sa Philippines Area sa Simbahan.

2005 • Siyudad sa Salt LakeAng kompletong hubad sa Basahon ni Mormon gimantala sa Hiligaynon.

Hunyo 13, 2010 • Siyudad sa Cebu, PilipinasAng Cebu City Philippines Temple gipahinungod sa Presidente sa Simbahan nga si Thomas S. Monson.

Oktubre 2, 2010 • Siyudad sa Salt LakeSi Thomas S. Monson mipahibalo nga usa ka templo tukuron sa Siyudad sa Urdaneta, Pilipinas, aron sa pagserbisyo sa sobra sa 100 ka stake ug district sa Luzon.

Abril 30–Mayo 1, 2011 • Siyudad sa QuezonAng mga miyembro sa Simbahan miorganisar og usa ka programa sa pagsaulog sa ika-50 ka tuig sa misyonaryo nga buhat sa Pilipinas.

Septyembre 2011 • Pilipinas Ang Welfare Department sa Simbahan nakigtambayayong sa lokal nga mga organisasyon sa pagpang-apud-apod og pagkaon, tubig, mga hygiene kit, ug ubang gikinahanglan nga mga butang ngadto sa sobra sa 25,000 ka pamilya human sa duha ka bagyo nga maoy hinungdan sa grabeng pagbaha.

Mayo 20, 2012 • Siyudad sa QuezonSi Elder Russel M. Nelson sa Korum sa Napulog Duha ka mga Apostoles mipahinungod sa bag-ong missionary training center.

2013–14 • Silangang Visayas, PilipinasAng mga miyembro sa Simbahan miapil sa halapad nga mga paningkamot sa paghatag og kapuy-an ug kahupayan atol ug human sa Bagyong Yolanda (nailhan sa internasyonal nga ngalan nga Haiyan), paghatag og kapuy-an, mga suplay, ug pagbansay sa pagpamanday, ug gani paghatag sa lokal nga gobyerno og mga digital backup sa mga rekord sa mga katigulangan nga nawala sa bagyo.

Abril 2, 2017 • Siyudad sa Salt LakeSi Thomas S. Monson mipahibalo sa mga plano alang sa ikaduhang templo sa dapit sa Manila, nga tukuron sa Alabang, Siyudad sa Muntinlupa.

Septyembre 10, 2017 • Siyudad sa QuezonAng Mandaluyong Philippines Stake, ang ika-100 nga stake sa Pilipinas, giorganisar.

Oktubre 7, 2018 • Siyudad sa Salt LakeSi Presidente Russell M. Nelson mipahibalo sa pagtukod sa templo sa Davao, Pilipinas.