E pei ona faaaoga i tusitusiga paia, o le faamagalo atu e lua mea e faatatau i ai: (1) Pe a faamagalo e le Atua tagata, na te soloia pe tuuese se faasalaga e manaomia ona o le agasala. E ala i le togiola a Keriso, ua maua ai le faamagaloga o agasala e tagata uma o e ua salamo, vaganā i latou ua nofosala i le fasioti tagata po o le agasala e le faamagaloina e tetee i le Agaga Paia. (2) A o faamagalo atu e tagata le tasi i le tasi, ua latou faaali atu e le tasi i le tasi le alofa Faakeriso ma ua leai foi ni lagona leaga ia te i latou o e na sesē mai ia te i latou (Mata. 5:43–45; 6:12–15; Luka 17:3–4; 1 Ni. 7:19–21).