Samoa

I le 1863 o Kimo Pelio ma Samuela Manoa---faifeautalai e toalua na auina mai Hawaii---na aumaia le talalelei toefuataiina i atumotu o Samoa. Ona o faalavefau na tutupu i le Ekalesia i Hawaii, o faifeautalai faaopoopo sa la faamoemoe e taunuu mai na le’i o’o mai lava, ae na la filifili uma e aumau ai pea i le motu. I le 1888 na taunuu mai ai Iosefa ma Florence Dean e tatala aloaia le misiona. E oo mai i le 1900, i le taimi na vaeluaina ai i se teritori i sisifo, lea na pulea e Siamani ma se teritori i sasa’e, na pulea e Amerika, sa silia ma le 1,000 tagata o le Au Paia o Aso e Gata Ai i luga o nei motu.

I le amataga o le vaitau o le 1900, e faaopoopo atu i le aoao atu o le talalelei, na faatulagaina ai e le Ekalesia ni aoga, i taimi eseese i le faa-Peretania, faa-Siamani ma le faa-Samoa---ma faatulagaina ai le nofoaga i Sauniatu. O tagata o le Au Paia o Aso e Gata Ai na feauaunaai atu le tasi i le isi i taimi faigata o le faama’i oti tele o le fulu o le 1918 ma faaali atu lo latou naunautaiga e “faanoanoa ma i latou o loo faanoanoa” (Mosaea 18:9) ina ua fano le tasi vae-lima o le faitauaofai o tagata o le atunuu.

I tausaga o le maea ai o le Taua Lona Lua o le Lalolagi, sa tuu atoa atu e le Ekalesia le taulaiga e atina’e ai ta’ita’i faalotoifale, ma e toatele tagata Samoa sa latou a’oa’oina ta’ita’iga faa-le Ekalesia ma tomai faale-galuega a’o galulue fa’afaifeautala’i galulue. I le 1962, na avea ai Samoa o se atunuu muamua i fafo mai o le Iunaite Setete o Amerika e faatuina ai se siteki; i le 1974 na avea ai Samoa ma se atunuu muamua na faatuina ai na o siteki, e aunoa ma ni itu laiti. Na faapaiaina le Malumalu o Apia Samoa i le 1983. Ina ua mae’a le mu i le 2003 na toe fausia ai le malumalu ma toe faapaiaina.

• Igoa aloaia: Malo Tutoatasi o Samoa/Malo Saoloto Tutoʻatasi o Sāmoa

• Taulaga: Apia

• Aai Aupito Telē: Apia

• Gagana Aloaia: Samoa ma le Igilisi

• Telē o le Laueleele: 2,821 km² (1,089 mi²)

• Eria o le Ekalesia: Pasefika

• Misiona: 1 (Apia)

• Aulotu: 158

• Malumalu: 1 (Apia)