Tuliki Akó
ʻOmi ha Meʻa ʻoku Faitatau: Fakatomalá
ʻOku faʻa akoʻi mai ʻe he kau lea ʻi he konifelenisí ha niʻihi ʻo e ngaahi tefitoʻi moʻoni tatau. Ko e meʻa ʻeni naʻe lea ʻaki ʻe he kau lea ʻe toko fā ʻo kau ki he fakatomalá. Feinga ke ke sio ki ha ngaahi meʻa ʻoku faitatau ʻi hoʻo ako e ngaahi lea ʻo e konifelenisí.
-
“Ka ʻi ai hamou taha kuo humu ʻi hoʻomou fonongá, ʻoku ou fakaʻamu ke mahino taʻe toe veiveiua kiate koe, ʻoku ʻi ai ha founga ke ke foki mai ai. ʻOku ui ia ko e fakatomalá.”1—Palesiteni Thomas S. Monson
-
“Mahalo ʻe ʻi ai ha taimi te ke fakakaukau ai ʻoku ʻikai te ke taau ke fakahaofi koe koeʻuhí ko hoʻo ngaahi fehālākí, pe ʻoku lalahi pe iiki, peá ke fakakaukau kuó ke hē. ʻOku ʻikai ʻaupito ha taimi ʻe teitei moʻoni ai ia! Ko e fakatomalá pē te ne lava ke fakanonga ʻa e mamahí.”2—Palesiteni Boyd K. Packer, Palesiteni ʻo e Kōlomu ʻo e Kau ʻAposetolo ʻe Toko Hongofulu Mā Uá
-
“Tatau ai pē pe ko hai koe mo e feituʻu ʻokú ke ʻi aí, ʻe lava ke fakamolemoleʻi koe. … He ko e mana ia ʻo e fakamolemolé; ko e mana ia ʻo e Fakalelei ʻa e ʻEiki ko Sīsū Kalaisí.”3—ʻEletā Jeffrey R. Holland ʻo e Kōlomu ʻo e Kau ʻAposetolo ʻe Toko Hongofulu Mā Uá
-
“Ko e fakatomalá pē ʻe lava ai ke tau maʻu ʻa e fakalelei mo e ʻaloʻofa ʻa Sīsū Kalaisí pea mo e fakamoʻuí. Ko e fakatomalá ko ha meʻaʻofa fakalangi, pea ʻoku totonu ke tau fiefia ʻi he taimi ʻoku tau talanoa ai ki aí.”4—ʻEletā D. Todd Christofferson ʻo e Kōlomu ʻo e Kau ʻAposetolo ʻe Toko Hongofulu Mā Uá