Ngaahi Meʻa Mahuʻinga Naʻe Hoko ʻi he Hisitōlia ʻo e Fineʻofá
6 ʻEpeleli, 1830
Fokotuʻu ʻa e Siasí.
1830
Maʻu ʻe Siosefa Sāmita ha fakahā maʻa hono uaifi ko ʻEmá (vakai, T&F 25).
17 Māʻasi 1842
Fokotuʻu ʻa e Kautaha Fineʻofa ʻa e Kakai Fefine ʻo Nāvuú; fili ʻa ʻEma Sāmita ko e palesiteni.
1843
Fili ʻe ʻEma Sāmita mo hono ongo tokoní ha ngaahi kōmiti ʻaʻahi ʻi he ngaahi uooti ʻi Nāvū, ʻi ʻIlinoisí.
27 Sune 1844
Fakapoongi ʻa e Palōfita ko Siosefa Sāmitá mo hono tokoua ko Hailamé ʻi he Fale Fakapōpula ko Kātesí.
Fēpueli 1846
Kamata mavahe ʻa e Kāingalotú mei Nāvū.
1846
Fakatapui e Temipale Nāvuú.
Siulai 1847
Aʻu ʻa e ʻuluaki kaungā fononga paioniá ki he Teleʻa Sōlekí.
1867
Ui ʻa Pilikihami ʻIongi ki he kau pīsopé ke toe fokotuʻu ʻa e Fineʻofá ʻi he uooti kotoa pē.
1870
Fokotuʻu ʻa e Young Ladies Department of the Senior and Junior Cooperative Retrenchment Association maʻá e kau finemuí.
1872
Poupouʻi ʻe he Fineʻofá ʻa hono pulusi ʻo e Woman’s Exponent.
1873
Poupouʻi e kau Fineʻofá ke nau kau ki he ako fakafaitoʻó.
1876
Fokotuʻu ʻa e Kautaha Silika Teseletí, pea palesiteni ʻa Sina D. H. ʻIongi.
1878
Fokotuʻu e houalotu ʻo e Palaimelí maʻá e fānaú.
1882
Fokotuʻu ʻe he Fineʻofá ʻa e Falemahaki Teseletí.
1890
Maʻu ʻe Uilifooti Utalafi ha fakahā ʻo iku ai ki hono fakangata ʻo e mali tokolahí.
1893
Fakatapui e Temipale Sōlekí.
1913
Hoko ʻa e “ʻOku ʻikai fakaʻau ʻo ngata ʻa e ʻofá” ko e moto ʻa e Fineʻofá.
1915
Kamata hono pulusi ʻe he Fineʻofá ʻa e Relief Society Magazine.
1916
Kamata akoʻi ʻe he kau faiako ʻaʻahí ʻa e ongoongoleleí ki he kau fafiné ʻi he māhina takitaha.
1918
Fakatau atu ʻe he Fineʻofá ha haʻinga uite (bushels) ʻe 200,000 ki he puleʻanga ʻIunaiteti Siteití.
1921
Fokotuʻu ʻe he Fineʻofá ha falemahaki ki he fāʻelé.
1936
Fokotuʻu ʻe he Kau Palesitenisī ʻUluakí ʻa e polokalama uelofea ʻa e Siasí.
1944
Taʻofi hano tānaki ʻe he kau faiako ʻaʻahí ʻa e ngaahi tokoní ka nau nofo taha pē ʻi he tokoniʻi ʻo e kau fafine ʻoku nau ʻaʻahi ki aí.
1954
ʻOku taki ʻa Pele S. Sipāfooti ʻi hono fakafofongaʻi ʻo e ʻIunaiteti Siteití ʻi he Kosilio Fakavahaʻapuleʻanga ʻa e Kakai Fefiné.
1956
Fakatapui e Fale ʻo e Fineʻofá ʻi Sōleki Sití.
1969
Fakakau atu ʻa e Potungāue Tokoni Fakasōsiale ʻa e Fineʻofá ki he Potungāue Uelofea mo e Ngaahi Tokoni Fakasōsiale ʻa e Siasí.
1971
Fakangata ʻa e Relief Society Magazine kae fetongi ʻaki ia ʻa e Ensign.
1978
Fakatapui ʻi Nāvū ʻa e Maka ki he Ngoue Fakamanatu ʻo e Kakai Fefiné.
16 Sepitema 1978
Fakahoko ʻa e ʻuluaki fakataha lahi ʻa e Fineʻofá.
1987
Fakakau ha pōpoaki fakamāhina ʻa e faiako ʻaʻahí ʻi he makasini fakavahaʻapuleʻangá (ʻoku ui he taimí ni ko e Liahona) mo e Ensign.
1992
Fakamanatu ʻe he kau fafiné ʻa e taʻu 150 ʻo e Fineʻofá ʻaki ʻenau kau ʻi ha ngaahi ngāue tokoni ʻi honau tukui koló.
23 Sepitema 1995
Lau ʻe Palesiteni Kōtoni B. Hingikelī ʻa e “Ko e Fāmilí: Ko ha Fanongonongo ki Māmani “ʻi ha fakataha lahi ʻa e Fineʻofá.
1997
Kamata ako ʻa e Fineʻofá, kau taulaʻeiki lahí, mo e kōlomu kaumātuʻá mei he lēsoni tatau pē he Sāpaté.
2004
Kau atu ʻa e kau palesiteni lahi ʻo e Fineʻofá, Kau Finemuí, mo e Palaimelí ʻi he ʻuluaki fakataha ako fakatakimuʻa fakaemāmāni lahi maʻá e ngaahi houalotú.
2009
Ko ha kau fafine ʻi he fakataha lahi ʻa e Fineʻofá
Aʻu ʻa e tokolahi ʻo e Fineʻofá ki he toko 6 milioná.
2011
Fakamanatu ʻe he Siasí ʻa e taʻu 75 ʻo e polokalama uelofeá.