Lotofaafetai

O le lotofaafetai o se lagona o le talisapaia ma le faafetai mo faamanuiga po o manuia ua tatou mauaina. A o tatou atiaeina se uiga o le lotofaafetai, o le a sili atu ona tatou fiafia ma malosi faaleagaga. E tatau ona tatou faaali soo atu lo tatou lotofaafetai i le Atua mo faamanuiaga ua Ia tuuina mai ia i tatou faapea ma isi mo galuega agalelei ua latou faia mo i tatou.

Ua folafola mai e le Alii, “O ia o le e taliaina mea uma ma le faafetai o le a faamamaluina” (Mataupu Faavae ma Feagaiga 78:19). O le lotofaafetai o se uiga auaumama faagaeetia ma le faaeaina. E masani ona sili atu le fiafia o tagata pe a i ai le lotofaafetai i o latou loto. E le mafai ona tatou feitai, inoino, pe le fiafia pe a tatou lotofaafetai.

E tatau ona tatou faafetai mo faamanuiaga matagofie ua ā tatou ma mo avanoa maoae ua tatou maua. E mafai ona tatou faafetai i o tatou matua, aiga, uo ma faiaoga. E tatau ona tatou faaali atu le faafetai i tagata uma o e sa fesoasoani ia i tatou i soo se itu.

E tatau ona tatou faafetai atu i lo tatou Tama Faalelagi mo Lona agalelei ia i tatou e ala i le faailoa atu o Lona aao i mea uma, faafetaia o Ia mo mea uma ua Ia tuuina mai ia i tatou, tausia o Ana poloaiga, ma auauna atu i isi. E tatau ona faapitoa ona tatou faafetaia o Ia mo Lona Alo Pele, o Iesu Keriso, mo le faataitaiga maoae a le Faaola, mo Ana aoaoga, mo Lona aao faaloaloa e siia’e ma fesoasoani, mo Lana Togiola e le iu.

Tusifaamaumau Ou Lagona Uunai

Savali Faaopoopo

“Highlight: Grateful in Any Circumstances—Dieter F. Uchtdorf”

“Thanksgiving Daily”

“In the Spirit of Thanksgiving”

“Because I Have Been Given Much”

“Elder Hales Talks about Gratitude”

“President Monson—On Gratitude”

“Come, Ye Thankful People”

“O Le Meaaalofa Faalelagi o le Lotofaafetai”

Ata

Faailoga o le Aufaipese a le Tapeneko

O Vitio o le Aufaipese a le Tapeneko

“I Stand All Amazed”

“More Holiness Give Me”

“There is Sunshine In My Soul Today”