Auaunaga

O auaunaga o le tausiga faaKeriso mo isi. E faaosofiaina e lo tatou manao ia mulimuli i le poloaiga ia alofa i o tatou tuaoi ma e aofia ai le auauna atu i tagata ona o le popole mo lo latou manuia faaleagaga ma faaletino.

Na faatulaga e le Faaola se faataitaiga o auaunaga i le taimi o Lona soifuaga. Sa Ia “ataata foi i [isi], talanoa i [isi], savavali ma [isi], faalogo atu i [isi], faaavanoa se taimi mo [isi], faamalosiau atu, aoao atu, fafaga, ma faamagalo atu” (Jean B. Bingham, “Auauna Atu e pei ona Faia e le Faaola,” Ensign po o le Liahona, Me 2018, 104). Ua poloai mai le Faaola ia tatou mulimuli i Lana faataitaiga ia ‘outou fealofani; faapei ona ou alofa atu ia te outou (Ioane 13:34).

E masani ona tatou auauna atu i o tatou aiga, i latou tatou te alolofa i ai, ma isi o siomia i tatou. I totonu o uarota, tatou te maua ai foi tofiga o ni uso po o ni tuafafine auauna atu e tausi tagata o le uarota i se auala maopoopo (tagai Moronae 6:4). Tatou te faamautinoa o tausia tagata uma ma e leai se tasi o faagaloina.

O le galulue faatasi, e vaaia ai e au peresitene o le korama a toeaina ma le Aualofa ia taumafaiga auauna atu i lalo o le taitaiga a le epikopo. O le tulaga masani, o tuafafine matutua taitasi e i ai ni tuafafine auauna e toalua ua tofiaina e tausia o ia, ae o aiga taitoatasi e i ai ni uso auauna e toalua ua tofiaina e tausia tagata o le aiga. O nisi taimi, e mafai ona tofia ai ulugalii ua faaipoipoina e avea o ni soa auauna atu ia taulima lelei ai manaoga o tagata o le uarota. E amata atu ia Ianuari o le tausaga e atoa ai le latou ta’i 14 tausaga, e mafai ai ona totofi alii ma tamaitai talavou e galulue o ni soa auauna atu i tagata matutua.

I le avea ai o ni uso po o ni tuafafine auauna atu, tatou te auai i faatalanoaga faalekuata o auaunaga, lea tatou te talanoa ai ma o tatou taitai e uiga i a tatou taumafaiga ma malosiaga ma manaoga faapitoa o tagata tatou te auauna i ai.

O taumafaiga auauna atu e mafai ona tele ona ituaiga. I tulaga e mafai, e asia ai e uso ma tuafafine auauna atu ia tagata o le Ekalesia i o latou maota. O fegalegaleaiga e mafai foi ona faia i le lotu po o le nuu. O metotia e faaaoga o le a eseese, mai i soo se ituaiga o auaunaga e oo i se asiasi, valaau i le telefoni, imeli, po o le tesi. E tulaga ese tagata taitoatasi, ma o auaunaga mataalia e faapatino i tagata taitoatasi ma taitaia e le Agaga. E ala i le tatalo ma musumusuga, o le a faamanuiaina ai i tatou ia iloa le ala e auauna atu ai e pei ona sa faia e le Faaola.

Pe a tatou auauna atu, ua fai i tatou ma sui o Iesu Keriso a o tatou vaaia, siia’e, ma faamalosia i latou e siomia i tatou (tagai Mataio 25:34–40). Tatou te valaaulia foi i latou e o mai ia Keriso ma agai i luma i le ala o le feagaiga. Na valaaulia i tatou e Elder Jeffrey R. Holland ina ia “galulue faatasi ma le Alii o le tovine, ma tuu atu i le Atua ma le Tama o i tatou uma se lima fesoasoani i Lana galuega taua o le taliina o tatalo, tuuina atu o le faamafanafanaga, soloia o loimata, ma le faamalosia o tulivae vaivai” (“Ia Faatasi ma Faamalosi i Latou,” Ensign po o le Liahona, Me 2018, 103).

Tusifaamaumau Ou Lagona Uunai

Savali Faaopoopo

“Valaaulia e Faatino”

“O Se Vaaiga Mamao o le Auaunaga”

“O Se Vaaiga Mamao o le Auaunaga” (puupuu)

“Aisea Tatou te Auauna Atu Ai”

“Faigofie, Faapatinoina, ma Taitaia e le Agaga”

Ata

Faailoga o le Aufaipese a le Tapeneko

O Vitio o le Aufaipese a le Tapeneko

“Pele i le Leoleo Mamoe”

“Ia Outou Fealofani”

“Outou Faifeau o Isaraelu”