O Se Mau Musuia

Soo se taimi lava e manao ai lou tina e tuuina mai ia i matou se savali musuia mai tusitusiga paia, na te siiina mai lava le Alema 37:37. Na te faasoaina mai lena mau i le tele naua o taimi ma a amata loa ona ia faitauina mai, matou te faia faatasi ma ia aua ua matou taulotoina.

E masani ona ou mafaufau pe aisea na te faasoaina soo mai ai lena mau ia i matou—ioe, ua uma ona matou iloa e tatau ona matou tatalo ma faafetai i o matou aso taitasi. Ae o le mea na sili ai ona ootia lou loto ina ua ou iloaina mulimuli ane na manao lou tina ia i matou ia aua nei galo o loo leoleoina i matou e le Tama Faalelagi ma Iesu Keriso.

O taimi uma lava pe a ou i ai ini faigata ma puapuaga, e le galo ia au le faitauina o lena mau. Ou te manatua pea le agaalofa o le Tama Faalelagi ma Iesu Keriso. E manaomia lou faafetai mo ou faamanuiaga uma lava. O le a ou manatua pea le ala na suia ai e lou tina lou malamalama i le tatalo ma le agaga faafetai e oo lava i puapuaga.