Talanoa ʻo ha Palesiteni Fakamisiona Māmonga ki muʻa ke fakahoko ʻi ha Foʻi Heleʻuhila Foʻou

Naʻe hoko ʻa Sione H. Kolipoki mo hono hoa ko Siní ko ha ongo taki fakamisiona ʻi Tonga ʻi he 1960 tupú. ʻOku ʻi ai e heleʻuhila foʻou ʻoku faʻu te ne fakahoko hona talanoá.

Ko e hoko atu ʻeni ʻo e heleʻuhila “Ko e Tafaʻaki ʻe Taha ʻo Hēvaní,” ʻa ia ʻoku fakatātaaʻi ai e ngāue fakafaifekau taʻu tolu ʻa ʻEletā Kolipoki ki Tonga ʻi heʻene kei talavoú.

ʻE filimiʻi ʻa e foʻi heleʻuhila foʻoú ʻi Fisi, Nuʻusila, pea mo e ʻIunaiteti Siteití.

ʻOku pehē ʻe he taha ʻokú ne faʻu, fokotuʻutuʻu mo fakaleá, ko Miti Tēvisi, “ʻOku ou manako ʻi he ngaahi talanoa ʻo e tangatá fekauʻaki mo e kakai ʻoku nau ako mo tupulaki ʻi he ngaahi faingataʻá.” “Ko e taimi lahi ʻi he moʻuí, ʻoku tau ako ʻi he ngaahi meʻa ʻoku tau fekuki mo ikunaʻí.”

Naʻá ne pehē, “ʻOku fakahaaʻi ʻe he foʻi heleʻuhilá ni hono fakatahaʻi ʻe he kakai ʻo ha ngaahi anga fakafonua mo e ngaahi tui kehekehe, ʻa ʻenau tuí, ngaahi maná, pea hoko ai ha ngaahi meʻa fakaʻofoʻofa.”

ʻE ʻi Fisi ʻa ʻEletā Kolipoki, kuó ne taʻu 84, ke mamata tonu ʻi hono filimiʻi ʻi ʻEpeleli.

ʻOku kei filifili ha niʻihi ke nau kau ʻi hono faivaʻi ʻo e filimí.