Aotelega Faasolopito

Olenei tusi e le o se talafaasolopito, ae o se tuufaatasiga o mataupu faavae o le talalelei e pei ona aoaoina mai e Peresitene Heber J. Grant. O le faasologa lenei o mea na tutupu o loo tuuina mai ai se aotelega faasolopito mo nei aoaoga. Ua aveesea ia mea faalelalolagi na tutupu, e pei o taua ma tulaga faigata o le tamaoaiga i le lalolagi atoa. Ua aveeseina foi le tele o mea taua na tutupu i le soifuaga lava ia o Peresitene Grant, e pei o ana faaipoipoga ma le fananau mai ma le maliliu o lana fanau.

1856, Novema 22	Na soifua mai ai Heber Jeddy Grant i le Aai o Sate Leki, Iuta, ia Rachel Ridgeway Ivins Grant ma Jedediah Morgan Grant. O le tama o Heber, o le sa auauna atu o se Fesoasoani Lua ia Peresitene Polika Iaga, na maliu i le iva aso mulimuli ane.
1875, Iuni 10	Taliaina se valaauga e auauna atu i le au peresitene o le Mutuale a Alii Talavou o le Uarota 13 i le Aai o Sate Leki.
1880, Aperila 6	Amata le tautua o se failautusi i le au peresitene aoao o le Mutuale a Alii Talavou.
1880, Oketopa 30	Amata le tautua o se peresitene o le siteki i Tooele, Iuta.
1882, Oketopa 16	Faauuina e avea ma se Aposetolo e Peresitene George Q. Cannon o le Au Peresitene Sili.
1883–84	Asiasi atu i nuu o Tagatanuu o Amerika, galulue faatasi ma isi taitai o le Ekalesia e valaau ma faamanuia i latou e umia le perisitua e galulue iina. Asiasi atu i nuu o Tagatanuu o Amerika, galulue faatasi ma isi taitai o le Ekalesia e valaau ma faamanuia ia i latou e umia le perisitua e galulue iina.
1897	Auauna atu o se sui o le au peresitene o le Mutuale a Alii Talavou ma avea ma pule o le mekasini a le Ekalesia na faaigoaina o le Improvement Era.
1901, Aokuso 12–1903, Setema 8	Faatulaga ma pulefaamalumalu i le uluai misiona i Iapani.
1904, Ianuari 1– 1906, Tesema 5	Pulefaamalumalu i misiona i Peretania ma Europa.
1916, Novema 23	Faamanuiaina e avea ma Peresitene o le Korama a Aposetolo e Toasefululua.
1918, Novema 23	Faamanuiaina e avea ma Peresitene O Le Ekalesia a Iesu Keriso o le Au Paia o Aso e Gata Ai.
1919, Novema 27	Faapaiaina le malumalu i Laie, Hawaii.
1920	Taitaia le faamanatuina o le 100 tausaga o le Uluai Faaaliga.
1923, Aokuso 26	Faapaiaina le malumalu i Cardston, Alberta.
1924, Oketopa 3–5	Pulefaamalumalu i le uluai konafesi aoao na faasalalauina i le leitio.
1926	I lalo o le taitaiga a le Au Peresitene Sili, na amataina ai e le Ekalesia le polokalama o le inisititiuti.
1927, Oketopa 23	Faapaia le malumalu i Mesa, Arisona.
1930, Aperila 6	Pulefaamalumalu i le faamanatuina o le 100 tausaga o le faavaeina o le Ekalesia.
1936	Ua faavaeina e le Ekalesia le Fuafuaga mo le Saogalemu, lea ua taua nei o le polokalama o le uelefea a le Ekalesia.
1940, Fepuari	Mafatia i le pe o le tino.
1942, Aperila 6	Tuuina atu ai se saunoaga i le konafesi aoao mo le taimi mulimuli. O le isi tolu tausaga na sosoo ai, sa faitauina atu ai e nisi ana lauga.
1945, Me 14	Maliu i le Aai o Sate Leki, Iuta.