O se Uo ma se Faifeautalai

O a’u ma la’u uo mamae o Facundo na masani le tasi i le isi talu mai lo ma ta’i lima tausaga. Sa ma fiafia uma lava i le soka! Sa ou valaaulia o ia i le tele o gaoioiga a le Ekalesia.

I le tasi taimi sa matou i ai faatasi ma Facundo i se ‘aiga o le afiafi, sa ia fesili mai ai, “Aisea e tatalo ai le tou aiga i taimi uma?” Sa ou fai atu ona e faamanuiaina e le Tama Faalelagi i matou, ma o le auala lea matou te faafetai atu ai ia te Ia. Sa maofa o ia!

Sa sau Facundo i se afiafi faaleaiga ina ua sauniuni lo’u uso o Peniamina mo le papatisoga. Sa lagona e Facundo le Agaga, ma sa ia fesili mai pe mafai ona papatisoina foi o ia! Ona talanoa lea o lo’u tama i matua o Facundo.

Sa aoaoina e faifeautalai le aiga o Facundo. Ona papatisoina uma lea o Facundo ma lona tuafafine o Augustine! E o mai ona matua i le lotu, ae e lei papatisoina lava i la’ua.

Sa fesili Facundo i lo’u tina pe o le a tele sona iloa e uiga i le Atua e pei o a’u. Sa ataata [lo’u tina] ma fai atu ia te ia afai e suesue o ia i ana tusitusiga paia ma tatalo, e mafai ona ia iloa atili!