Tala o Tusitusiga Paia
Hana ma Samuelu
Mai le 1 Samuelu 1–3.
Sa lagona e Hana le faanoanoa tele i le le maua o sana tama. Sa ia tatalo i totonu o le malumalu. Sa Ia folafola atu afai e maua sana tama tama, o le a ia tausi a’e e auauna i le Atua.
Sa maua e Hana ma lona toalua se pepe! Sa faaigoa e Hana ia Samuelu. Sa ia iloa ua tali mai le Atua i ana tatalo.
A o tuputupu ae Samuelu, sa tausisia lava e Hana lana folafolaga. Sa ia talosagaina Eli, le ositaulaga i le malumalu, e aoao ia Samuelu i le auala e auauna atu ai i le Atua. Sa fesoasoani Eli e tausi Samuelu.
I se tasi po a o moe Samuelu, sa ia faalogo i se siufofoga. Sa ia fesili atu pe na valaauina o ia e Eli. Sa fai atu Eli o le Atua sa taumafai e fetalai atu ia Samuelu. O le taimi na sosoo ai na faalogo atu ai Samuelu i le siufofoga, sa ia faalogo. Ona fetalai mai lea o le Atua ia Samuelu. Sa faalogo Samuelu i le Atua ma mulimuli ia te Ia.
E mafai ona ou aoao e uiga i le Atua ma mulimuli i Ana poloaiga!