Tala a le na Avea Muamua ma Peresitene o le Misiona Mamona i Toga o le a Faamatalaina i se Ata Tifaga Fou

Sa avea John H. Groberg ma lona faletua o Jean o ni taitai misiona i Toga i le vaitau o le 1960. O loo gaosiaina nei se ata tifaga fou lea o le a faamatala ai le la tala.

O se sosooga i le ata “O Le Isi Itu o le Lagi [The Other Side of Heaven],” lea na faaalia ai le misiona e tolu tausaga a Elder Groberg i Toga ao avea ma se alii talavou.

O le ata tifaga fou o le a pueina i Fiti, Niu Sila ma le Iunaite Setete.

“Ou te fiafia i tala o tagata soifua e faatatau i tagata o e aoao ma tuputupu ae e ala i faigata,” o le tala lea a le tagata na gaosia ma pueina le ata ma tusia anotusi o le ata o, Mitch Davis. “E masani lava i le lalolagi tatou te aoao mai mea tatou te mafatia ai ma foiaina.”

“O lenei ata e faaalia ai le auala e tuufaatasia ai e tagata e eseese aganuu ma talitonuga lo latou faatuatuaga, ma le tutupu o vavega ma mea matagofie,” na ia fai mai ai.

O le a i ai Elder Groberg e 84 tausaga i Fiti ia Aperila e maimoa i le pueina.

O loo faaauau pea le sailia o tagata e faatinoa vaega o le ata mo vaega eseese o matafaioi.