Aotelega Faasolopito

1873, Setema 8:

Soifua mai i Huntsville, Utah, i ona matua o Tavita MaKei ma Jennette Evans MaKei.

1881:

Na tuuvaa atu ai Tavita MaKei mo se misiona i Peretania. Sa tauaveina e Tavita O. ma lona tina le vaaiga o le faatoaga ma le aiga (7; o numera o loo puipui o tausaga na o le matua o Tavita O. MaKei).

1887:

Maua lona faamanuiaga faapeteriaka mai ia John Smith (13).

1889:

Lagolago e avea ma failautusi i le Aoga Sa o le Uarota a Huntsville (15).

1893–94:

Faiaoga ma puleaoga i le aoga tulagalua a Huntsville; lagolagoina o se faiaoga o le Aoga Sa i le Uarota a Huntsville (19–20).

1894–97:

Aoga i le Iunivesite a Iuta ma sa faaao i ai le faauuga (20–23).

1897–99:

Maea le misiona mo le lua tausaga i Peretania Tele. E le gata i ona tiute talai, ae sa avea ma taitai o faifeautalai uma lava i Sikotilani (23–25).

1899–1900:

Faiaoga i le Aoga Tumaoti a Weber Stake i Ogden, Iuta (25–26).

1900:

Tofia i le Au Faatonu o le Aoga Sa a le Siteki o Weber (27).

1901, Ianuari 2:

Faaipoipo ia Emma Ray Riggs i le Malumalu o Sate Leki (27).

1902:

Tofia e avea ma puleaoga o le Aoga Tumaoti a Weber Stake (28).

1906:

Faauu e avea ma Aposetolo e Peresitene Joseph F. Smith (32).

1914–18:

Tau le Taua Muamua a le Lalolagi (40–44).

1918:

Tofia e avea ma pulesili o le Iuni a le Aoga Sa a Tesareta. Lolomi le Ancient Apostles (45).

1919–21:

Avea ma komesina o aoga a le Ekalesia (45–47).

1920, Tesema:

Na tofia e le Au Peresitene Sili e malaga taamilo i le lalolagi faatasi ma Elder Hugh J. Cannon mo se tausaga e asiasi i misiona a le Ekalesia (47).

1922–24:

Avea ma Peresitene o le Misiona a Europa (49–51).

1934:

Lagolago ma faamanuia i le tofiga o se fesoasoani lua ia Peresitene Heber J. Grant (61).

1939–45:

Tau le Taua Lona Lua (65–71).

1945:

Lagolago ma faamanuia i le tofiga o se fesoasoani lua ia Peresitene George Albert Smith (71).

1950:

Lagolago ma faamanuia i le tofiga o le Peresitene o le Korama a Aposetolo e Toasefululua (77).

1951, Aperila 9:

Lagolago ma faamanuia i le tofiga o le Peresitene lona iva o le Ekalesia, ma Stephen L Richards o le fesoasoani muamua ma J. Reuben Clark Jr. o le fesoasoani lua. O le taimi lena, ua tusa ua tasi le miliona le faitau aofai o tagata o le ekalesia (77).

1952, Iuni:

Na tuua ai mo se malaga taamilo e iva vaiaso i Europa, ma e iva atunuu sa mafai ona ia asiasi ai i tagata o le Ekalesia (78).

1953:

Na maua ai lona faailoga aupito maualuga o le Sikauti, o le Pafalo Siliva (79).

1954:

Amata le malaga taamilo e 32, 000 maila i misiona; o le Peresitene muamua lea o le Ekalesia ua asiasi i misiona o Amerika Tutotonu ma Amerika i Saute; o le Pulega Aoao muamua foi lea ua asiasi i le misiona a Aferika i Saute (80).

1955, Aokuso:

Malaga faatasi ma le Aufaipese a le Tapeneko i Europa (81).

1955, Setema:

Faapaia le Malumalu o Bern Switzerland (82).

1956, Mati:

Faapaia le Malumalu o Los Angeles Kalefonia (82).

1956, Oketopa:

Faapaia le Fale o le Aualofa (83).

1958, Aperila

Faapaia le Malumalu o Hamilton Niu Sila (84).

1958, Setema:

Faapaia le Malumalu o Lonetona Egelani (85).

1964, Novema:

Faapaia le Malumalu o Oakland Kalefonia (91).

1970, Ianuari 18:

I le 96 o tausaga o lona soifua, na maliu ai i le Aai o Sate Leki, Iuta. E oo mai i le faaiuga o lana taitaiga, ua tusa ma le tolu miliona le faitau aofai o tagata o le Ekalesia.