Na Ou Lagonaina le Agaga

Ou te manatua ni mea faigofie se lua na tutupu a o ou laitiiti. E faaalia e mea taitasi pe faapefea ona faagaeetia e le Agaga loto i ni auala faapitoa e tusa lava po o le a lo tatou matua.

O le aafiaga muamua na tupu ina ua ma’i lo’u tuagane. Na valaauina e lou tama se tama mai le matou uarota e sau i lo tatou aiga ma fesoasoani e tuuina atu se faamanuiaga faaleperisitua. A o faapotopoto lo matou aiga a o lei amataina le faamanuiaga, sa fautua mai le tama e tatau ona o ese i matou le fanau, nei matou faalavelave i le agaga o le faamanuiaga. Na tali filemu atu lou tama e taua mo tamaiti taitoatasi ona i ai i le taimi o le faamanuiaga ona sa manaomia ai lo latou faatuatua mama. E oo lava i lena tausaga talavou, sa ou lagonaina e le gata i le mafutaga a le Agaga, ae na ou lagona foi le tele o le alofa o lo’u tama mo lana fanau. O le alofa o lo’u tama na fesoasoani ia te au e talitonu ai ma malamalama i le alofa o le Tama Faalelagi mo au.

I ni nai tausaga mulimuli ane, sa auai ai lo matou aiga i le sauniga faamanatuga. O lo’u tina o se tagata talenia i musika. Ae ui i lea, na ia tuuina mai i ou uso ma au le avanoa e usu ai le pese ae le o ia. Ou te manatuaina lelei lava le pese sa musuia o ia ina ia matou usuina:

A o matou usuina ma ou uso le pese, sa ou lagona le mafanafana ma le fiafia i totonu. Na faamalosia la’u molimau a o fesoasoani mai le Agaga Paia ou te lagona faapea e alofa le Tama Faalelagi ma Iesu Keriso ia te au.

Ou te faafetai mo le faamanuiaga o le Agaga Paia ma le alofa o o’u matua ma lo’u Tama oi le Lagi.