Ua ta’u mai e tusitusiga paia ia i tatou ina ia atoatoa. E faapefea ona mafai ona ou faia lena mea?
O le a le mea o loo manaomia e le Faaola mai ia i tatou ina ua Ia fetalai, “Ia atoatoa e pei lava o aʼu, po o lo outou Tamā o le o i le lagi e atoatoa”? (3 Nifae 12:48).
I tusitusiga paia, o le atoatoa o lona uiga “atoa, atoatoa, ma le faatupuina atoatoa; amiotonu atoatoa. … O soo moni o Keriso e mafai ona faaatoatoaina e ala i lona alofa tunoa ma lana togiola.”1
Na aoao mai Elder Russell M. Nelson o le Korama a Aposetolo e Toasefululua faapea o le atoatoa i lenei olaga “mafai ona ausia a o tatou taumafai e faatino ia tiute uma [ma] tausia tulafono uma. … Afai tatou te faia le mea sili tatou te mafaia, o le Alii o le a faamanuiaina i tatou e tusa ma a tatou amioga ma manaoga o o tatou loto.”2
O lenei, e lei fetalai mai le Faaola faapea o le atoatoa o lona uiga o le le faia lava o ni mea sese. Sa Ia lei fetalai mai foi faapea o le faia o se mea sese o lona uiga o lena atoatoa e le toe maua mai. E mafai ona tatou salamo.
E tusa ai ma le finagalo o Peresitene Lorenzo Snow (1814–1901), o le ki i le atoatoa i lenei olaga o le “ia sili atu le aso nai lo le tulaga na e i ai ananafi. … Ia faaauau le taumafai ia sili atu mai lea aso i lea aso.”3