Uo i Luga o le Initoneti

Talofa, Stephanie! O au o Lule, le tei o Aleksander. Na ia fai mai o i taua e tai tutusa le matutua.

Ei, Lule. Ou te manatua le faalogo e uiga ia te oe. Na fai mai Aleksander e te noto i Alepania. Ta’i manaia!

E malie—ia te au, o le ola ai i Amerika e foliga manaia! Hahaha. O le a lau mea e fai i le faaiuga o lenei vaiaso?

E i ai sau taaloga pasiketipolo i le taeao o le aso Toonai, ona ou alu lea i le malumalu o le Au Paia o Aso e Gata Ai. O le Aso Sa ou te alu ai i le lotu. A o a au mea e fai?

E le tele lava. Sa ou vaai i se ata o le Malumalu o Sate Leki i le Initoneti. E matagofie! Sa fai mai le uso o lo’u tama o oe o se Mamona, e pei o ia. Sa ma o faatasi ma ia i le lotu faatasi mo ni nai taimi. Na ou matuai fiafia lava i ai! Ou te fiafia e alu i vaiaso taitasi, ae e masani lava ona i ai ni au mea e fai faatasi ma lo’u aiga i aso Sa.

Afai e te manao ai, e mafai ona ou tusi ni faamatalaga i le lotu i vaiaso taitasi ma auina atu ia te oe. O le auala lena e mafai ai ona e aoao atili e uiga i le mea ua matou talitonu i ai.

Oi, faafetai! Ou te fiafia e faalogo i mea tou te talanoa i ai iina.

Ei, Lule! Ou te faamoemoe sa lelei lou vaiaso. Sa manaia tele le lotu ananafi. O ni faamatalaga nei sa ou tusia. Sa tele ina matou talanoa e uiga i le auauna atu ma le tatalo.

• Pe a tatou auauna atu i isi tagata, o loo tatou auauna atu i le Atua (faitau Mosaea 2:17 i scriptures.lds.org).

• Siaki le “Dayton’s Legs” i le YouTube. E faatatau i se tamaitiiti na fesoasoani i lana uo, o loo maua i le supa, e tauva i se tuuga e tolu vaega.

• E i ai iina le Atua mo oe ma o le a faalogo mai ia te oe pe a e tatalo. Sa ou mauaina lenei tusiga o loo talanoa e uiga i le ala e tatalo ai: lds.org/youth/article/how-to-pray.

Stephanie, faafetai tele! Sa matua musuia lena vitio! Ou te tatalo soo, ma ou te manao e fai le mea sao, … ae e mafai faapefea ona ou iloa pe o ou faia le mea sa’o?