Pe Faapefea ona Filifili ni Uo Lelei

Ata

Three teenage sisters.

Ata na saunia e Cody Bell

I se suesuega na faia i ni uarota ma siteki na filifilia o le Ekalesia, tatou te aoaoina ai se mea moni e sili ona taua. O tagata na faaipoipo a latou uo i le malumalu e masani lava ona faaipoipo i le malumalu, ae o tagata e lei faaipoipo a latou uo i le malumalu e masani lava e le faaipoipo i le malumalu. O faatosinaga a uo a se tagata e foliga mai o se mea e sili ona malosi—nai lo uunaiga faamatua, aoaoga i le potuaoga, po o le latalata foi i se malumalu.

E matele lava ina avea i tatou e faapei o i latou o loo tatou viia. E pei lava ona i ai i le tala lauiloa a Nathaniel Hawthorne “The Great Stone Face”, tatou te faataitaia amioga, uiga faaalia, e oo lava i aga a i latou tatou te faamemelo i ai—ma e masani lava o a tatou uo. Feoeoeai ma i latou o e, e pei o oe, ua fuafuaina e le mo le fiafia puupuu, sini e le taua, po o faamoemoega papau ae mo na mea e sili ona taua—e oo lava i faamoemoega faavavau.

O loo tusia i luga o se puipui i sasae o le Ekalesia a Stanford University Memorial le upumoni: “O mea uma e le faavavau [e] puupuu tele, [ma] o mea uma e le i’u [e] laiti tele.”¹

I tala atu o lau lio o uo i le lalolagi, ou te uunaia oe e avea o se uo a lou Tama Faalelagi. E tu o ia ma sauni e tali mai le tatalo o lou loto. I le avea ai ma le Tamā o lou agaga ma na foafoaina oe i Lona lava faatusa, ma le iloaina o le iuga mai le amataga, O Lona poto o le a lē sese ma o Lana fautuaga e moni lava pea. Ia avea o Ia o se uo.

O loo i ai se isi uo taua e tatau ona e maua, ma o le epikopo lea o lau uarota. Ua valaauina o ia e le Atua e ala i le valoaga ma le faaee atu o lima o i latou o e e i ai le pule. O ia e agavaa mo le fesoasoani faalelagi i le tuuina atu ia te oe o le fautuaga ma taitaiga. Ia avea o ia o se uo.

Filifili au uo ma le faaeteete.