Aotelega Faasolopito

Olenei tusi e le o se talafaasolopito; ae o se tuufaatasiga o mataupu faavae o le talalelei e pei ona aoao mai e Peresitene Spencer W. Kimball. O le faasologa lenei o mea na tutupu o loo tuuina mai ai se aotelega faasolopito puupuu o lona soifuaga ma se faavaa mo ana aoaoga. E le o aofia ai le tele o mea taua na tutupu e le gata i le talafaasolopito o le Ekalesia ae faapea foi i le olaga nei. E le o aofia ai foi le tele o mea taua na tutupu i le soifuaga o Peresitene Kimball lava ia, e pei o le fananau mai o lana fanau.

1895, Mati 28	Na soifua mai ai Spencer Woolley Kimball i le Aai o Sate Leki, Iuta, i ona matua o Andrew Kimball ma Olive Woolley Kimball.
1898, Me	Siitia atu ma lona aiga i Thatcher, Arisona, lea sa pulefaamalumalu ai lona tama i le Siteki a St. Joseph mo le isi 26 tausaga.
1906, Oketopa 18	Na maliu ai lona tina.
1907, Iuni	Faaipoipo atu lona tama ia Josephine Cluff.
1914, Oketopa	Amataina le galuega o se faifeautalai faamisiona i le Misiona a Setete Tutotonu i le Iunaite Setete. Na valaauina o ia e galue i Misiona a Suisi-Siamani ae sa le mafai ona alu ona o le Taua I a le Lalolagi.
1916, Tesema	Faamaloloina mai lana misiona talai. E lei umi, ae aoga i le Iunivesite o Arisona.
1917, Novema 16	Faaipoipo ma Camilla Eyring.
1918	Tofia e avea ma failautusi a le Siteki o St. Joseph. Ulufale atu i le pisinisi tau faletupe ma avea ai ma se failautusi ma talatupe.
1923	Auai i le Kalapu a le Roteri, o se faalapotopotoga auauna atu lea o le a ia auai i ai mo le isi 20 tausaga, e aofia ai le avea ma se kovana faaitumalo.
1924, Aokuso 31	Na maliu ai lona tama. Pe tusa ma se vaiaso mulimuli ane, i le avea ai ma se vaega o le toe faatulagaina o le au peresitene o le siteki, na valaauina ai Spencer e avea ma fesoasoani lua. Na faauuina o ia o se faitaulaga sili e Peresitene Heber J. Grant, le Peresitene lona fitu o le Ekalesia.
1927	Na avea ma peresitene-faatonu o le Kamupani Inisiua ma Fanua a Kimball-Greenhalgh.
1938, Fepuari 20	Na tofia o se peresitene o le Siteki a Mount Graham.
1943, Oketopa 7	Faauuina o se Aposetolo e Peresitene Heber J. Grant.
1948	Mafatia ma toe manuia mai se ma’i fatu matuia.
1950	Le toe i ai sona leo ona o se ma’i tuga i lona faai. Na toe maua lona leo ina ua mavae se faamanuiaga faaleperisitua.
1957	Faia sona taotoga mo le kanesa i le faai; e tasi ma le afa o lona pusa leo na aveeseina.
1969	Lolomiina [le tusi] O Le Vavega o le Faamagalo Atu.
1970	Avea ma Sui Peresitene o le Korama a Aposetolo e Toasefululua.
1972, Aperila 12	Faia se taotoga o le fatu.
1972, Iulai 7	Avea ma Peresitene o le Korama a Aposetolo e Toasefululua.
1973, Tesema 26	Maliu ai Peresitene Harold B. Lee.
1973, Tesema 30	Avea ma Peresitene O Le Ekalesia a Iesu Keriso o le Au Paia o Aso e Gata Ai, faatasi ai ma Peresitene N. Eldon Tanner e avea ma Fesoasoani Muamua ma Peresitene Marion G. Romney e avea ma Fesoasoani Lua i le Au Peresitene Sili.
1974, Novema 19	Faapaia le Malumalu o Uosigitone D.C.
1975, Oketopa 3	Amata le toefaatulagaina o le Korama Muamua a Fitugafulu.
1976	Faatonutonuina le faaopoopoga o faaaliga e lua i le Penina Tautele. O nei faaaliga na aofia ai mulimuli ane i le Mataupu Faavae ma Feagaiga e avea ma vaega e 137 ma le 138.
1977, Aokuso 24	Faapaiaina Polani mo le galuega a le Ekalesia i le lumanai—o le uluai asiasiga lea a se Peresitene o le Ekalesia i tua o le nofoaga sa lauiloa o le Pupuni Uamea.
1978, Iuni 8	Sa tuuina atu se tusi faatasi ma ona fesoasoani i le Au Peresitene Sili, e faasilasila atu ai se faaaliga e faasafua atu ai le perisitua i tagata agavaa uma, e tusa lava po o le a le ituaiga po o le lanu.
1978, Oketopa 30	Faapaiaina le Malumalu o Sāo Paulo Pasila.
1979	Faatonutonuina le lomia o le Lomiga a le AAG o le Tusi Paia o le King James.
1979, Oketopa 24	Faapaiaina le Togalaau Faamanatu o Orson Hyde i Ierusalema.
1980	Faatonutonuina le amataga o le tuufaatasia o le faasologa o sauniga, lea ua tuu ai le sauniga faamanatuga, sauniga a le perisitua a le uarota, fonotaga a le Aualofa, vasega a Tamaitai Talavou, Aoga Sa, ma le Peraimeri i le tolu itula i le Aso Sa nai lo le faia faasolosolo i le vaiaso.
1980, Oketopa 27	Faapaiaina le Malumalu o Tokyo Iapani.
1980, Novema 17	Faapaiaina le Malumalu o Seattle Uosigitone.
1981	Faatonutonuina le lomia o se lomiga fou o tusi fusitolu, faatasi ai ma faamatalaga ninii ma le faasinoupu i le pito i lalo.
1981, Iulai 23	Valaauina Peresitene Gordon B. Hinckley e galue auauna o se fesoasoani faaopoopo i le Au Peresitene Sili.
1981 i le 1985	Faatonutonuina le faapaiaina o malumalu e 17.
1982, Oketopa 3	Na fofogaina ai se soaulutala mo le Tusi a Mamona—“O se Tasi Molimau ia Iesu Keriso.”
1982, Tesema 2	Toe faatulaga le Au Peresitene Sili, faatasi ai ma Peresitene Marion G. Romney e avea ma Fesoasoani Muamua ma Peresitene Gordon B. Hinckley e avea ma Fesoasoani Lua.
1984	Faavae ia Au Peresitene o Eria.
1985, Novema 5	Maliu i le Aai o Sate Leki, Iuta.