O La Tatou Itulau
Kendall A., 10 tausaga, Costa Rica
I le tausaga ua tea ina ua amata ona ou alu i le aoga maualalo, sa ou popole lava ina nei galo ia Mama ona piki a’u pe a tuua le aoga. Sa ou tagi foi ina ua ou oo i le aoga. Ae a o lei amataina le vasega, sa ou faia se tatalo ma ole atu ai i le Tama Faalelagi e fesoasoani mai ia te a’u e aua nei ou tagi ma fesoasoani ia Mama ia manatua e piki a’u.
Ina ua uma ona ou tatalo, sa lelei o’u lagona ma ou te lei toe tagi. Ina ua oo i le taimi e tuua ai, sa ou vaai atu ia Mama o faatalitali mai mo a’u i luma o le faitotoa. Sa ou fiafia lava ona sa faafofoga mai le Tama Faalelagi ia te a’u ma tali mai la’u tatalo.
YuTing O., 7 tausaga, Taiuani
O Yaroslav F., e 3 ona tausaga, e mai Iukureini, e fiafia lava i itulau a tamaiti i le Liahona. E manao i lona tina ma lona tamā e faitau atu ia tala ia te ia, ma e taumafai ia avea o ia e faapei o Iesu. E fiafia foi o ia e fesoasoani!
Cairon A., 5 tausaga, Filipaina
O Addy L., e 10 tausaga, mai Meleisia i Sisifo, e fiafia e taalo pasiketipolo ma tenisi fulumoa [badminton] ma ana uo mai le aoga ma le lotu. Sa fai o ia ma sui o lana aoga i le tauvaga tenisi fulumoa i le 2008 ma sa fesoasoani i lo latou manumalo i le siamupini. E fiafia o ia e fagota ma e mulimuli lava i lona tamā i soo se mea e alu i ai. E fiafia e alu i le pa o manu ma fiafia e alu i le lotu.
Sa faaalu lo matou aso faatasi ma Dionesia le tamaitai matua o lo matou aiga, ma ua matou iloa atili ai nisi o mea e uiga i o matou matua matutua. Sa matou faasoa atu mea na matou aoaoina i lo matou aiga, ona matou faaaogaina lea o le saite a le Ekalesia mo le talafaasolopito o aiga i le Initoneti.
Marcos Elias ma Marcos Emanuel M., 10 tausaga, Atenitina