Toko 25
Mampianatra ny rain’ny Mpanjaka Lamônia i Aharôna
Nolazain’i Aharôna ny mpanjaka fa rahalahin’i Amôna izy. Nieritreritra foana ny hatsaram-panahin’i Amôna sy ny zavatra nambaran’i Amôna azy ny mpanjaka.
Nanontanian’i Aharôna ny mpanjaka raha nino an’ Andriamanitra izy. Nilaza ny mpanjaka fa tsy dia fantany loatra saingy hino izy raha lazain’i Aharôna hoe misy Andriamanitra. Nanome toky ny mpanjaka i Aharôna fa velona Andriamanitra.
Namaky soratra masina tamin’ny mpanjaka i Aharôna. Nampianariny azy ny momba ny Fahariana, sy ny Fahalavoan’i Adama, ary ny asa nanirahana an’i Jesoa Kristy.
Nanontany ny mpanjaka hoe inona no zavatra mila ataony mba hahazoana mandray ny Fanahy Masina sy mba ho vonona ny hiara-hiaina amin’ Andriamanitra. Vonona ny hanao ny zava-drehetra ny mpanjaka eny na dia ny hamoy ny fanjakany aza.
Nilaza tamin’ny mpanjaka i Aharôna fa mila mibebaka tanteraka amin’ny fahotany izy. Mila mivavaka sy manam-pinoana an’ Andriamanitra izy.
Nivavaka ny mpanjaka mba hahafantarany raha toa ka tena misy Andriamanitra. Nilaza izy fa hafoiny avokoa ny fahotany rehetra.
Nianjera tamin’ny tany ny mpanjaka; toy ireny hoe maty ireny. Rehefa hitan’ny mpanjakavavy izy dia noheveriny fa novoin’i Aharôna sy ireo mpiara-mitory taminy.
Nodidian’ny mpanjakavavy ny mpanompony mba hamono an’i Aharôna sy ireo mpiara-mitory taminy saingy natahotra ny hanao izany ny mpanompony. Nampitadiaviny olon-kafa afaka manao izany izy ireo.
Mialoha ny hahatafavory ny vahoaka ka hampisy olana dia noraisin’i Aharôna ny tanan’ny mpanjaka ary nasainy nitsangana izy. Nitsangana ny mpanjaka.
Nampitonian’ny mpanjaka ny vadiny sy ireo mpanompony izay raiki-tahotra ka nampianariny ny filazantsara izy ireo. Nino an’i Jesoa Kristy izy rehetra.