Toko 44
mitsodrano ireo ankizy i Jesoa
Nasain’i Jesoa Kristy nentin’ny Nefita teo aminy ny zaza madinik’izy ireo. Nipetraka tamin’ny tany teo akaikin’i Jesoa ireo ankizy.
Nasain’ny Mpamonjy nandohalika ny vahoaka. Avy eo Izy dia nandohalika nivavaka tamin’ny Ray any An-danitra.
Mahatalanjona loatra ny vavaka nataon’ny Mpamonjy ka tsy hay nosoratana. Nameno fifaliana ny Nefita izany.
Taorian’ny vavaka nataony dia nilaza tamin’ny Nefita i Jesoa hoe hotahiana izy ireo noho ny finoan’izy ireo.
Nahatsapa fitiavana sy hasambarana lehibe tokoa izy ka nitomany.
Avy eo dia noraisiny ireo ankizy ary notsofiny rano tsirairay. Nivavaka tamin’ny Ray any An-danitra ho azy ireo izy dia nitomany indray.
Nolazain’i Jesoa ny Nefita mba hijery ireo zaza madinik’izy ireo.
Rehefa nijery ny vahoaka dia nisy anjely maro nidina avy any an-danitra ary nanodidina ireo ankizy. Voahodidina afo ireo ankizy sy ireo anjely.