Mataupu 11
O Enosa
O Enosa o le atalii o Iakopo. Na ia tausia papatusi ma tusia ina ua maliu lona tama.
I se tasi o aso na tutuli ai Enosa i le vao. Na mafaufau o ia i aoaoga a lona tama ma manao ina ia faamagaloina ana agasala.
Na tootuli Enosa ma tatalo atu i le Atua. Na tatalo o ia i le aso atoa seia oo lava i le po.
Na ta’u atu e le Atua ia Enosa ona o lona faatuatua ia Iesu Keriso, ua faamagaloina ai ana agasala.
Na manao Enosa e faamanuia e le Alii tagata Sa Nifae. Na ia tatalo mo i latou, ma na tali mai le Alii o le a ia faamanuiaina pe afai latou te usitai i ana poloaiga.
Na manao foi Enosa e faamanuia e le Alii tagata Sa Lamana. Na ia tatalo ma le faatuatua tele, ma na folafola mai e le Alii o le a ia faia le mea na ole atu ai Enosa.
E ui lava ina tau tagata Sa Lamana ma tagata Sa Nifae ma taumafai e faatama’ia a latou faamaumauga, ae na tatalo pea Enosa ina ia avea i latou ma tagata amiotonu.
Na tatalo Enosa ina ia faasaogalemuina papatusi sa ia teuina. Na folafola mai e le Alii o le a i ai se aso na te tuuina atu ai i tagata Sa Lamana aoaoga sa i ai i papatusi.
Na aoao atu Enosa i tagata Sa Nifae. Na manao o ia latou te talitonu i le Atua ma tausi poloaiga.
Na taumafai Sa Nifae e aoao atu le talalelei i tagata Sa Lamana, ae latou te le i faalogo. Na le fiafia tagata Sa Lamana i tagata Sa Nifae.
Na faaaluina e Enosa lona olaga i le aoaoina o tagata e uiga ia Iesu ma le talalelei. Na auauna o ia i le Atua ma alofa ia te ia i aso uma o lona ola.