Mataupu 50
Ua Tuua E Sa Iareto Papelu
O le toatele o tagata i Papelu o ni tagata amioleaga. Na latou fausia se ’olo ina ia tau atu i le lagi. Na le fiafia le Alii ma ua ia faaeseeseina a latou gagana.
Na fai atu Iareto i lona uso e tatalo i le Alii e aua nei faaeseeseina gagana a o latou aiga ma a latou uo.
Na tatalo le uso o Iareto, ma na tali mai le Alii i lana tatalo. O Iareto, o lona uso, ma o laua aiga ma uo, sa malamalama lava i a latou gagana.
Na poloaiina e le Alii le uso o Iareto e faapotopoto lona aiga ma uo ma tuua le nuu. Na latou ave a latou manu ma ituaiga o laau eseese.
Na fai atu le Alii o le a ia taitai atu Sa Iareto i le nuu o le folafolaga.
Na pueina e Sa Iareto manu ma i’a latou te aveina.
Na latou aveina foi lagomeli.
Na malaga atu Sa Iareto i le vao. Na fetalai atu le Alii ia i latou mai se ao faaniutu, ma faasino atu lo latou ala.
Na fetalai atu le Alii o tagata e ola i le nuu o le folafolaga e tatau ona auauna i le Atua, a leai o le a faatafunaina.
Ina ua oo atu Sa Iareto i le matafaga, na latou faatutu o latou faleie. Na latou nonofo latalata i le sami i tausaga e fa.