Mataupu 17
Ua Sosola Alema ma Ona Tagata
I se tasi o aso a o galulue Alema ma ona tagata i o latou fanua, na sopoia ai e se autau a Sa Lamana lo latou tuaoi ma oo atu i o latou laueleele.
Sa fefefe tagata Sa Nifae ma taufetuli atu i le aai mo se lafitaga. Na ta’u atu e Alema ia i latou e manatua le Atua, ona ia fesoasoani mai lea ia i latou. Na amata ona tatalo tagata Sa Nifae.
Na faamalulu e le Atua loto o tagata Sa Lamana, ma latou te le i fasia tagata Sa Nifae. Na oo ina så tagata Sa Lamana a o latou taumafai e sailia tagata o le nuu o le Tupu o Limae.
Na folafola atu e tagata Sa Lamana ia Alema, o le a latou lå toe faalavelave i ona tagata pe a latou faasino atu le ala e tau atu i lo latou nuu. Na faasino e Alema le auala ia i latou.
Ae le i tausia e tagata Sa Lamana la latou folafolaga. Na latou tuuina leoleo e faataamilo i le nuu, ma e le i toe saoloto Alema ma ona tagata.
Na tofia e le tupu o Sa Lamana Amulona e taitaia le nuu o Alema. O Amulona o se tagata Sa Nifae ma o ia o se tasi o faitaulaga pepelo a le Tupu o Noa.
Na faapologaina e Amulona le nuu o Alema. Na tatalo atu i latou mo se fesoasoani, ae na fai atu Amulona a maua se tasi o tatalo, o le a fasiotia. Na faaauau pea ona tatalo tagata i o latou loto.
Na faafofogaina e le Atua a latou tatalo, ma faamalolosia i latou ina ia faigofie a latou galuega. Na fiafia tagata ma onosai.
Na fiafia le Atua ona o le faatuatua o tagata. Na ia ta’u atu ia Alema o le a ia fesoasoani ia i latou e sosola ese mai tagata Sa Lamana.
Na faapotopoto e tagata a latou meaai ma lafu manu i le po. O le taeao na sosoo ai, na faamoegaseina ai e le Atua tagata Sa Lamana, ae tuua e Alema ma ona tagata le aai.
Ina ua mavae aso e 12 o le faigamalaga, na latou taunuu i Saraemila, lea na faafeiloa’i ai i latou e le Tupu o Mosaea ma ona tagata.