Mataupu 33
O Va o Tagata-Tupu ma Tagata Saoloto
Ina ua le faia e Paorana lo latou manao, na le fiafia i latou ma ua mananao e aveesea Paorana mai le tofi o le faamasino sili. Na mananao i latou i se tupu ae le o ni faamasino.
O tagata ua taua o tagata-tupu, na faamoemoe e avea se tasi o i latou ma tupu ma maua le pule e pulea ai tagata.
O tagata Sa Nifae na mananao e avea pea Paorana ma faamasino sili na taua i latou o tagata saoloto. Na mananao i latou e ola saoloto ma tapuai i mea ua latou mananao i ai.
Na faia se palota i le va o tagata saoloto ma tagata-tupu. O le toatele o i latou na palota mo tagata saoloto.
O le taimi lava lea na faapotopoto ai e Amalekia se autau tele o tagata Sa Lamana e osofa’ia ai tagata Sa Nifae.
Ina ua logotala tagata-tupu o le a o mai tagata Sa Lamana, na fiafia i latou ma sa lē mananao e fesoasoani e lavea’i lo latou nuu.
Na le fiafia Kapeteni Moronae i tagata-tupu ona o lo latou le auai i le taua. Na galue malosi o ia e faatumauina le ola saoloto o tagata Sa Nifae.
Na ia ole atu i le kovana mo le pule e uunaia tagata-tupu e tau ma tagata Sa Lamana po o le fasiotia.
Ina ua tuuina atu e le kovana o Paorana lea pule ia Moronae, na ia taitaiina lana autau ma faasagatau atu i tagata-tupu.
E toatele tagata-tupu na fasiotia; o nisi sa tuuina atu i le falepuipui. O le isi vaega na malilie e puipui lo latou nuu ma faagasatau atu i tagata Sa Lamana.