Mataupu 32
O Kapeteni Moronae ma le Tagavai o le Saolotoga
Afai e avea Amalekia ma tupu, o le a taumafai o ia e faaleaga le Ekalesia a le Atua ma aveesea le saolotoga o tagata.
Ina ua faalogo Kapeteni Moronae, le taitai o le autau a tagata Sa Nifae i le fuafuaga a Amalekia, na le fiafia o ia.
Ua saeia e Moronae lona ofu ma fai ai se fu’a. Na ia tusia ai i luga se savali e faamanatu ai i tagata e puipui la latou ekalesia, saolotoga, ma le filemu.
Na tuu e Moronae le fu’a i luga o se pou ma faaigoa o le tavagai o le saolotoga. Ona ofu lea o ia i ona ofutau ma tootuli e tatalo.
Na ole atu o ia i le Atua e puipuia i latou o loo talitonu ia Iesu Keriso ma tatalo mo le saolotoga i le nuu, lea ua ia faaigoa o le nuu o le saolotoga.
Na alu atu Moronae i tagata. Ua ia sisiina i luga le fu’a o le saolotoga, ma valaau atu ia i latou e o mai e puipui lo latou saolotoga.
Ua o mai tagata mai le nuu uma. Ua latou folafola atu o le a latou usitai i poloaiga a le Atua ma tau mo lo latou saolotoga.
Ina ua vaaia e Amalekia le toatele o tagata Sa Nifae ua au ia Moronae, ona fefe ai lea o ia. Na o atu i latou ma tagata na mulimuli ia te ia ma au faatasi ma tagata Sa Lamana.
Na taumafai Moronae ma lana autau e taofi i latou, ae na sosola ese Amalekia ma nisi o ana auauna.
Ua faatuina e Moronae se tagavai o le saolotoga i olo uma i nuu o tagata Sa Nifae. Sa tausia e tagata Sa Nifae lo latou saolotoga ma ua latou toe maua le filemu.