Mataupu 53
O Moronae ma Ana Aoaoga
Ina ua maliu Mamona, na tuua ai na o Moronae. Na ia faamaeaina le tusiaina o faamaumauga na tuuina e lona tama ia te ia.
Na iloa e Moronae o le a aveesea papatusi auro mai le eleele i se aso.
O upu o loo i papatusi auro o loo faamatala mai ai Iesu Keriso. O loo molimau ma aoao mai ai i tagata le auala e ola ai i le amiotonu.
Na fasiotia e tagata amioleaga o Sa Lamana tagata uma o Sa Nifae latou te le faafitia Iesu Keriso.
E le i faafitia e Moronae Iesu Keriso. Na fealuai solo o ia, ma lafi mai tagata Sa Lamana.
Na tusia e Moronae isi mea e tele i papatusi auro, aemaise lava i Sa Lamana o aso nei.
Na ia tusia le tele o mea taua, e aofia ai upu o le tatalo o le faamanatuga.
Na tusia e Moronae, e na o le pau lava tagata e mafai ona papatisoina o i latou ia ua naunau e salamo mai a latou agasala ma auauna atu ia Iesu Keriso.
Na manao Moronae e talitonu tagata uma ia Iesu Keriso ma malamalama e uiga ia te ia. Na ia fai mai o mea lelei uma e mai ia Keriso ia.
Na tusia e Moronae afai e alolofa tagata i le Atua ma mulimuli ia te ia, o le a atoatoa i latou.
Na iloa e Moronae afai e oti o ia, o le a ia toetu ma ola faatasi ma le Tama Faalelagi ma Iesu Keriso.