Mataupu 1
O Elisapeta ma Sakaria
O Sakaria ma lona toalua o Elisapeta, o ni tagata Iutaia sa nonofo lata ane i Ierusalema. Sa usitai i la’ua i tulafono a le Atua. E tele tausaga sa la tatalo ai ia maua se la pepe. Ua oo ina ua matutua i la’ua, ae le i maua lava se la fanau.
O Sakaria sa avea ma faitaulaga i totonu o le malumalu. I se tasi aso na oo ane ai se agelu e igoa ia Kaperielu ia te ia. Na ta’u atu e Kaperielu o le a tali mai le Atua i tatalo a Sakaria ma Elisapeta O le a maua se la pepe. Na ta’u atu e Kaperielu e tatau ona la faaigoa le pepe ia Ioane.
Fai mai Kaperielu o le a avea Ioane ma perofeta amiotonu a le Atua. O le a ia aoao atu i tagata e uiga ia Iesu Keriso.
Sa le talitonu Sakaria i le agelu. Ua matua tele Elisapeta mo le toe fanauina o se pepe. Na fai atu Kaperielu ia Sakaria, ona ua le talitonu o ia i mea na folafola mai e le Atua, o lea o le a le mafai ai ona toe tautala seia fanau mai Ioane.