Mataupu 14
Nikotemo
O Nikotemo o se tasi o le au Iutaia e ta’ua o le au Faresaio. O ia foi o se taitai o le au Iutaia. E toatele le au Faresaio sa le talitonu o Iesu Keriso na auina mai e le Atua. A o Nikotemo sa talitonu ona o vavega sa faia e Iesu.
Na alu ane Nikotemo e talanoa ma le Faaola i se tasi po. Na ta’u atu e Iesu ia te ia e le mafai e se tasi ona alu atu i le malo o le Atua pe a le toe fanau o ia.
Sa le’i malamalama Nikotemo. E mafai faapefea ona toe fanau se tagata? Na faamatala e le Faaola sa talanoa o Ia e uiga i mea faaleagaga. O le toe fanau, e tatau i le tagata ona papatisoina i le vai ma maua le Agaga Paia.
Na faamatala atu e Iesu sa auina mai o Ia i lenei lalolagi e fesoasoani ia i tatou ia tatou toe foi uma atu i le Tama Faalelagi. Na fetalai o Ia o le a puapuagatia o Ia mo a tatou agasala ma maliu i luga o se satauro ina ia tatou maua le ola faavavau.
Na Ia fetalai e tatau ona tatou talitonu ia te Ia ma filifili le mea sao. Afai tatou te faia le mea sao, o le a tatou ola e faavavau i le malo o le Atua.