O Upu e tatau ona Iloa
- aamu
-
ulagia
- Afio Mai Faalua
-
pe a toe sau Iesu i le lalolagi e laveai tagata amiotonu ma faaumatia e amioleaga
- agaga
-
o se tasi o fanau a le Tama Faalelagi e leai se tino o aano ma ivi
- agasala
-
o le le usitai i tulafono a le Tama Faalelagi
- Agelu
-
o se avefeau faalelagi mai le Atua
- aiga
-
o se meaai telē e masani lava ona faia i se aso faapitoa
- alii faaipoipo
-
o se tama o le a faaipoipo
- amioleaga
-
o se isi e leaga
- amiotonu
-
usitai i tulafono a le Atua
- ana
-
o se avanoa po o se pu i autafa o se mauga
- anapogi
-
o le lē ’ai pe inu ao saili ni faamanuiaga mai le Tama Faalelagi
- Aposetolo
-
o se taitai i le Ekalesia a Iesu Keriso e molimau atu ia Iesu Keriso ma aoao atu le talalelei
- areto [o potoi areto]
-
o le foliga e tao ai le falaoa
- atamai
-
o se tagata e poto tele ma e malamalama i tagata, tulafono, ma tusitusiga paia; ma o se tagata e fuafua mamao
- auai
-
o le avea o se vaega o se faalapotopotoga
- auauna
-
o se tagata e auauna pe galue mo se isi tagata po o le Atua
- Au Makoi
-
o tagata sa o mai mai sasae e asiasi ia Iesu ao laitiiti o Ia
- Au Paia
-
o se tagata lotu o le Ekalesia moni a Iesu Keriso
- e mulimuli mai;
-
o le faia o se mea e faia se isi
- faaaliga
-
o se mea e ta’u mai e le Atua i Lana fanau
- faaaliga
-
o se ituaiga o faaaliga mai le Tama Faalelagi
- faafiafia
-
ia manatua ai se aso faapitoa e ala lea i le faia o se mea faapitoa
- faaipoipoga
-
o se taimi lea e faaipoipo ai se alii ma se tamaitai
- faalata
-
o le tete’e i se uo po o le tuuina atu foi o ia i se fili
- faaliliu
-
o le suia o upu ua tusia pe tautala i se gagana e tasi i upu e tutusa uiga i se isi gagana
- faamagalo
-
o le le toe ita i se tasi sa faia se mea leaga po o ni mea faatiga
- faamalolo
-
o le faia o se mea e toe malosi ai pe toe manuia se tagata ma’i
- faamanatuga
-
o se sauniga o loo faamanuia ai le areto ma le vai ma tufa atu i tagata o le Ekalesia e faamanatu atu ai ia i latou ia Iesu Keriso ma tausi poloaiga. O le sauniga e faia e tagata e i ai le perisitua.
- faamanuia
-
o le tuu atu o ni mea lelei po o le fesoasoani atu i se tagata
- faamanuiaga
-
o se tatalo faapitoa e aioi atu ai i le Tama Faalelagi e faamafanafana pe faamalolo se tagata; o le tagata e faia lenei tatalo na te faia e ala i le mana o le perisitua o loo ia te ia. Soo se fesoasoani tatou te maua mai le Atua.
- faamasino
-
o se mea na tupu lea e taumafai ai tagata e faamaonia pe sa solia e se tasi le tulafono pe leai
- faaolataga
-
o le laveai mai le agasala ma le oti ina ia mafai ona tatou toe nonofo faatasi ma le Tama Faalelagi
- faaosooso
-
o le taumafai lea e fai i se tagata na te faia se mea e sese
- faasatauro
-
o le fasioti o se tagata e ala lea i le faatautau o ia i le satauro laau e pei ona latou faia ia Iesu Keriso
- faatanoa vao
-
o se atigi pusa e tuu ai meaai e aai ai manu
- faataoto
-
o se tala o loo aoao atu ai se mataupu faavae po o se lesona
- faatonu
-
o le ta’u atu i se tasi le mea e fai
- faatuatua
-
o le talitonu ma faatuatua ia Iesu Keriso
- faatulaga
-
o le tuu o le Ekalesia a Iesu Keriso i le tulaga e tatau ona i ai
- faatumuina i le Agaga Paia
-
o le i ai o le Agaga Paia e faatumu ai le mafaufau ma le loto o se tagata i le upumoni
- faauu
-
o tama tane o loo umia le pule o le perisitua latou te tuu o latou lima i luga o le ulu o se isi tama tane e tuu atu ia te ia le pule ma le mana o le perisitua
- faavavau
-
o se mea e leai sona iuga; e faaauau ai pea lava pea
- faavavau
-
faia pea
- fafine ua oti lana tane
-
o se fafine ua oti lona toalua
- faifeautalai
-
o se tasi e alu i se misiona; o nisi o taimi e valaauina le tagata e alu atu i isi atunuu
- faitaulaga
-
o se taitai i se ekalesia
- falepuipui
-
o se nofoaga e tuu i ai tagata e solia le tulafono
- faletalimalo
-
o se nofoaga e mafai e tagata ona aai ma momoe ai pe a latou o i se malaga
- fale tatalo
-
o se fale e feiloai ai tagata Iutaia e tapuai ai i le Atua
- fata faitaulaga
-
o se laulau paia-e pei o le laulau sa i totonu o le malumalu a o soifua Iesu. E osi e tagata ia taulaga i le Atua i luga o le fata faitaulaga.
- femalagaaiga
-
o le alu atu mai se tasi nofoaga i se isi
- fesoasoani
-
o se tagata e fesoasoani pe fautua atu i se isi tagata
- filifili
-
piki pe filifili
- fitafita
-
o se tagata e faataunuuina faatonuga a se tupu po o se taitai
- folafolaga
-
o le ta’u mai o le a e faia se mea
- fua mai
-
o le faia po o le totōina o se mea
- gaoi
-
o le ave o se mea a se isi tagata
- lafoga
-
o tupe e totogi e tagata i le malo
- lagi
-
o le nofoaga o loo nonofo ai le Tama Faalelagi ma Iesu Keriso
- lauga
-
o se tautalaga e tuuina atu i se vaega o tagata e uiga i le talalelei
- laveai
-
o le laveai mai mea mata’utia. Sa maliu Iesu ina ia laveai i tatou mai le oti faaletino ma le matautia o le agasala.
- leaga
-
o se mea e leaga ma e le mai le Atua
- leoleo
-
o se tasi e vaaia tagata i le falepuipui; o le vaavaai o se tagata, nofoaga, po o se mea
- leoleo mamoe
-
o se tagata e tausia mamoe
- lepela
-
o se tagata ma’i e tumu lona tino atoa i po’u
- liua
-
o se suiga i se tagata mo sina taimi puupuu ina ia mafai ona i ai o ia i luma o le Tama Faalelagi
- Logonoa po o le tutuli
-
e le mafai ona lagona
- mafuie
-
o le lulu malosi o le eleele
- malemo
-
oti ona ua umi ona i lalo o le vai
- malo o le Atua
-
o le Ekalesia po o se nofoaga e nonofo ai e amiotonu faatasi ma le Tama Faalelagi pe a mae’a lenei olaga
- malumalu
-
o le fale o le Atua i le lalolagi; o se nofoaga e tapuai ai i le Atua; o se nofoaga paia o loo faia ai sauniga paia
- mana
-
o le mafai ona faia o se mea. Tagai foi perisitua
- manu’a
-
o se lavea i se tino o se tagata
- matuitui
-
o se vaega matuituia o se laau e mafai ona lavea ai se isi pe a tago iai
- mauga
-
o se mauga po o se mapuepue telē
- meaalofa
-
o se mea lelei na aumai e le Atua po o isi ia i tatou
- meaalofa o le Agaga Paia
-
o le aia e maua ai le fesoasoani a le Agaga Paia; e tuuina atu i se tagata pe a mavae le papatisoga e ala mai i se tagata o loo i ai le pule o le perisitua
- melikerio
-
faamoega e faia e pi. E faatumu e pi nei faamoega i le meli po o le hani.
- melivao
-
o se iniseti lapoa e lele ma e faaaoga i nisi o taimi o se meaai
- misiona
-
o se taimi faapitoa o se auaunaga e alu ai e aoao atu ia tagata e uiga i le talalelei a Iesu Keriso ma faamalosia le malo o le Atua i le lalolagi
- molimau
-
o se lagona po o se manatu mai le Agaga Paia e moni le talalelei
- molimau atu
-
o le ta’u atu i isi tagata ua tatou iloa se mea e sao
- ofu talaloa
-
o se ofu umi, ma talaloa e ofu i luga o isi lavalavala
- oge
-
o le lē lava o meaai ona e lē tele ni mea toto e fafaga ai tagata uma
- ola faavavau
-
ia avea e pei o lo tatou Tama o i le Lagi ma nofo faatasi ma Ia e faavavau
- o le tagata e faatupuina le filemu
-
o se tasi e fesoasoani i tagata ia aua nei ita le tasi i le isi
- paia
-
o se mea e atoatoa ma mama ma ua vavae ese mo le faaaogaina e le Atua
- paia
-
soo se mea e tuu mai e le Atua ia i tatou lea e tatau ona faaaloalo ma migao i ai
- paie
-
o le leai o se naunau e galue
- pale tuitui
-
o ni mea matuitui sa fai faalapotopoto ma tuu i le ao o Iesu
- papatisoga [papatiso]
-
o se sauniga po o se tapuaiga e tago ai se tagata o i ai le pule o le perisitua mai le Atua ma tuuina ifo atoa se isi tagata i lalo o le vai ma toe aumai i luga. O le papatisoga e manaomia ia avea ai ma se tagata o le Ekalesia a Iesu Keriso. Tagai foi meaalofa o le Agaga Paia.
- Paseka
-
o se faafiafiaga faapitoa e manatua ai e tagata Iutaia le laveaiina e le Atua o o latou tagata mai tagata Aikupito i le taimi o Mose
- pepelo
-
o le lē ta’uina o le mea moni
- perisitua
-
o le pule e galue ai i le suafa o le Atua
- perofeta
-
o se tagata ua valaauina e le Atua e ta’u atu i tagata le mea e manao le Atua latou te faia
- po’u
-
o se vaega o le tino e tiga pe o toto
- puapuagatia
-
o le lagona o le tiga tele
- pue [pueina]
-
o le aveina faamalosi o se atunuu po o se tagata
- pule
-
o le aia e faaaoga ai le mana e pei o le perisitua po o le i ai o le aia e faasala ai i latou o e le usitai i le tulafono
- pule o le faletalimalo
-
o le tagata e vaaia le faletalimalo
- punou [sa punou]
-
ifo i lalo le ulu i le tulaga o le faaaloalo
- salamo
-
o le lagona o lou sese mo se mea sa e faia ma ua e folafola atu o le a e le toe faia
- Sapati
-
o se aso faapitoa o le vaiaso e tapuai ai tagata i le Atua e ala lea i le o i le lotu ma aoao atili e uiga ia te Ia
- sasa
-
o se manoa manifinifi po o se maea; e faaaoga e sasa ai pe ta ai se isi tagata po o se mea
- sefuluai
-
o tupe e tuuina atu i le Atua e fausia ai Lana Ekalesia
- soo
-
o se tagata e talitonu ia Iesu Keriso ma taumafai ia pei o Ia
- tagata agasala
-
o se tagata e le usitai i tulafono a le Tama Faalelagi
- tagata gaoi [au gaoi]
-
o se tagata e gaoi mai i isi
- tagata lotu
-
o se tagata e auai i le ekalesia po o se isi faalapotopotoga
- taitai
-
o le taialaina o isi
- taitai
-
o se tasi e avea ma taiala ma vaaia se vaega o tagata
- talalelei
-
o aoaoga a Iesu Keriso e uiga i le ala e tatau ona ola ai tagata ina ia mafai ona latou toe foi e nonofo faatasi ma le Tama Faalelagi; o le ata o le faaolataga a le Tama Faalelagi
- talitonu
-
ia lagona e sa’o pe moni se mea
- tanu [tanumia]
-
o le tuuina o le tino o se tagata oti i le tuugamau po o i lalo o le eleele ma ufi i le palapala; o le tuuina o se mea i le eleele lea e manao se tagata e nana
- tapuai
-
ia vivii, alofa ma usitai i le Atua
- tatalo
-
talanoa ma le Atua, tuuina atu ia te Ia o le faafetai ma aioi atu mo ni faamanuiaga
- tatalo
-
o mea e ta’u pe a tatalo se tagata
- taua
-
o se misa i le va o ni fili
- tauaso
-
lē mafai ona vaai
- taulaga
-
o le tuuina atu lea o se mea taua mo le Atua po o nisi tagata
- tiapolo
-
o se tasi igoa o Satani
- tino o aao ma le toto
-
o tino o loo i ai i tagata i le lalolagi e i ai pa’u, ponaivi, musele, ma le toto
- toafa
-
o se laueleele e laitiiti lava se vai po o laau ma manu e maua ai
- toetu
-
o le toe tuu faatasi o o tatou tino ma agaga pe a mavae lo tatou oti
- togavao
-
o se nofoaga e leai ni taulaga po o ni aai ma e le tele ni tagata e nonofo ai
- tootuli [sa tootuli]
-
o le alu i lalo i ou tulivae
- tuaoi
-
o se tasi e nofo lata ane i lou fale; po o se isi lava o fanau a le Atua
- tulafono
-
o se mea e ta’u mai e le Atua i tagata e fai ina ia latou fiafia
- tupe siliva
-
o se fasi tupe uamea, mafolafola
- tusitusiga paia
-
o tusi o loo i ai upu a le Atua e aumai e ala mai i Ana perofeta
- tuugamau
-
o se nofoaga e tanu ai tagata oti
- uaina
-
o se meainu e fai mai i le vine
- upumoni
-
o se mea e moni ma sa’o
- usitai
-
o le faia o se mea sa faatonuina ai pe na poloaiina ai
- vavega
-
o se mea tulaga ese e tupu ona o le mana o le Atua
- viiga
-
o se pese lotu po o se pese e vivii atu ai i le Atua
- vine
-
o le ogalaau autu o le laau, e pei o se vine, e i ai lala e tatupu mai ai. O le vine e ola ai lala.
- vivii
-
ta’u atu o ni mea lelei e uiga i se isi tagata