Mataupu 56
Ua Faamalolo e Peteru se Tamaloa
Sa i ai se tamaloa e le mafai ona savali sa sii atu i le malumalu i aso taitasi. Sa nofo o ia i tala ane o faitotoa o le malumalu ma aisi tupe ai. Sa ia iloa atu Peteru ma Ioane i se tasi aso o le a o atu i totonu o le malumalu.
Sa aioi atu o ia ia Peteru ma Ioane mo se tupe. Sa fai atu Peteru e leai sana tupe. Sa fai mai Peteru o le a ia avatu i le tamaloa se isi mea.
Sa faamanuia e Peteru le tamaloa i le suafa o Iesu Keriso ma faamalolo ia te ia. Ona ia fesoasoani lea e faatu i luga le tamaloa.
Sa savali le tamaloa mo le taimi muamua i lona olaga. E toatele tagata sa latou iloa atu le tamaloa o savali ma tuuoso. Sa latou iloa o se vavega. Sa latou iloa ua ia Peteru le mana o le Atua. Sa ta’u atu e Peteru ia i latou sa tuuina atu e Iesu Keriso ia te ia le mana e faamalolo ai le tamaloa. O Peteru o se faifeautalai maoae. Sa ia fesoasoani i le tele o tagata ia talitonu ma mulimuli ia Iesu Keriso.