Mataupu 3
Ua Fanau Mai Ioane le Papatiso
Na ta’u atu e le agelu o Kaperielu ia Maria o le a fanau mai foi se pepe tama a Elisapeta. O Maria ma Elisapeta e aiga i la’ua.
Na alu Maria e asiasi ia Elisapeta. Sa ta’u atu e le Agaga Paia ia Elisapeta o le a avea Maria ma tina o Iesu Keriso. Na faafetai atu Maria ma Elisapeta i le Atua mo le faamanuiaina o i laua. Sa nofo Maria i le fale o Elisapeta pe tusa ma le tolu masina. Ona alu ai lea o Maria i lona aiga i Nasareta.
Sa fanau le tama tama a Elisapeta. Sa fiafia ana uo ma ona aiga. Sa latou manatu e tatau ona tutusa le igoa o le pepe ma lona tamā o, Sakaria. Peitai na fai atu Elisapeta e tatau ona faaigoa o ia ia Ioane. Sa ofo tagata uma.
Sa fesili tagata ia Sakaria po o ai le igoa o le pepe e tatau ona i ai. Sa le mafai lava ona tautala Sakaria, o lea sa ia tusia ai, “O lona igoa o Ioane.”
Ona mafai ai lea ona toe tautala ia Sakaria. Sa tumu o ia i le Agaga Paia. Na ta’u atu e Sakaria i tagata e le o toe umi ae fanau mai Iesu Keriso ma o Ioane o le a saunia tagata mo Ia.
Na tupu ae Ioane e avea ma perofeta maoae. Sa ia aoao tagata e uiga ia Iesu Keriso.