Mataupu 42
O Le Alii Talavou Mauoa
Sa ta’u atu e le Faaola ia te ia ia alofa ma usitai i lona tama ma lona tina ma aua ne’i fasioti tagata pe pepelo pe gaoi. Sa fai mai le alii talavou mauoa o ia e usitai lava i tulafono.
Sa ta’u atu e Iesu i le alii talavou mauoa e toe tasi lava le mea e tatau ona ia faia. E tatau ona ia faatau atu ana mea uma ma avatu tupe i e matitiva. Ona tatau lea i le alii talavou ona mulimuli atu ia te Ia.
Sa le manao le alii talavou mauoa e aveese atu mea uma sa ia te ia. Sa sili lona alofa i ana oa nai lona alofa i le Atua. Sa alu ese atu le alii talavou ma le faanoanoa.
Sa ta’u atu e le Faaola i Ona soo e faigata ia i latou o e alolofa i oa ona o atu i le lagi. Sa le malamalama le au soo. Sa latou fesili po o ai e mafai ona nonofo faatasi ma le Atua. Sa ta’u atu e Iesu o tagata e talitonu i le Atua ma alolofa ia te Ia nai lo se isi lava mea, e mafai ona nonofo faatasi ma Ia i le lagi.
Mareko 10:23–30 (tagai vaefaamatalaga 27a)