Sarai

Ata

Sarai ma Liae

Sa nonofo Sarai i Ierusalema ma lona aiga. O lona toalua, o Liae, o se perofeta a le Atua. I se tasi aso, na ta’u atu ai e le Alii ia Liae e tuua Ierusalema ma lona aiga.

1 Nifae 2:1–3

Ata

Sarai o loo tatalo

Sa faatuatua Sarai i le Alii. Sa tuua e ia ma lona aiga lo latou fale. Sa latou tuua a latou auro ma ario ina ia o ma Liae i le vao.

1 Nifae 2:4-5

Ata

Sarai i le vao

Sa ave e Sarai ma Liae meaai ma isi mea sa latou manaomia. Ina ua uma ona latou malaga mo le tele o aso, sa latou faatuina ni faleie e nonofo ai i le vao. Ona latou fauina lea o se fatafaitaulaga ma faafetai atu i le Alii mo Lana fesoasoani.

1 Nifae 2:4, 6–7, 15

Ata

Sa popole Sarai ia Liae i le mamao

I se tasi aso na poloaiina ai e le Alii ia atalii o Sarai ma Liae e o i Ierusalema ma aumai papatusi apamemea. Sa fefe Sarai ina ua le toe foi mai ona atalii. Sa faapea o ia ua maliliu i latou. Na faamafanafanaina e Liae ia Sarai. Sa la filifili e talitonu o le a puipuia e le Alii o la atalii.

1 Nifae 3:1–2, 4–6; 5:1–6

Ata

O loo faafeiloai e Sarai ma Liae o la atalii

Sa tumu Sarai i le olioli ina ua toe foi mai ona atalii mai Ierusalema. O lenei ua ia iloa sa puipuia i latou e le Alii. Sa ia talitonu o le a tuuina atu e le Alii ia i latou le mana e fai ai le mea na Ia poloai mai ai. Sa fiafia le aiga atoa o Sarai, ma sa latou faafetai i le Alii.

1 Nifae 5:7--9