Alema ma Kori’oa

Ata

Ua ataata Korioa ma talanoa atu i se tasi a o la savavali faatasi i se auala pisi

Sa sau se tagata e igoa ia Kori’oa i le laueleele o Saraemila. Sa ia ta’u atu i tagata e le moni le Atua ma Iesu Keriso.

Alema 30:6, 12, 37–38, 45

Ata

Ua ataata Kori’oa ma fai atu ni taga i se tamaitiiti faanoanoa

Fai mai Kori’oa na pau le ala e mafai ai e tagata ona iloa se mea o le vaai i ai. Sa ia tauemu i tagata o e sa talitonu ia Iesu.

Alema 30:13–16

Ata

Ua ataata Kor’ioa ma talanoa atu i se motu o tagata

Fai mai Kori’oa e le manaomia e tagata poloaiga a le Atua. Sa ia fai mai e mafai e tagata ona faia soo se mea latou te mananao ai. E toatele tagata na talitonu ia te ia. Sa filifili i latou e fai mea leaga.

Alema 30:17–18

Ata

Sa saisaia Kori’oa ma faasavali atu i fafo o le nuu e fitafita

Sa taumafai Kori’oa e aoao ia Aneti-Nifae-Liae, ae sa latou le talitonu ia te ia. Sa latou saisai o ia ma auina ese atu. Nai lo lena, sa alu o ia i le nuu o Kitiona. Sa saisai foi o ia e tagata iina. Sa latou auina atu o ia ia Alema.

Alema 30:19–29

Ata

Ua ataata Kori’oa ma fai atu taga ia Alema

Na ta’u atu e Kori’oa ia Alema e le moni le Atua. Sa ia fai atu o loo pepelo Alema ma isi faitaulaga i tagata. Fai mai Kori’oa o loo latou faia ia mulimuli tagata i tu ma aga faavalevalea. Sa ia fai mai foi o loo latou aveina tupe mai tagata. Na iloa e Alema e le moni lenei mea. Sa talitonu o ia i le Atua ma Iesu.

Alema 30:30–40

Ata

Ua talanoa atu Alema i se motu o tagata a o nofo Kori’oa i tua ma piilima

Na fai mai Alema o perofeta ma mea uma i le lalolagi e fesoasoani i tagata ia iloa e moni le Atua. Sa manao Kori’oa i nisi faamaoniga. Na fai mai Alema o le a ia tuuina atu le faamaoniga ia Kori’oa. Sa ia fai mai o le a faia e le Atua ia le mafai ona tautala Kori’oa. O le taimi lava na fai atu ai e Alema lenei mea, sa le mafai ai ona tautala Kori’oa.

Alema 30:41–50

Ata

Ua foliga faanoanoa Kori’oa ma faasino i se fasipepa o i ai tusitusiga a o savavali ese atu se motu o tagata mai ia te ia.

Na tusia e Kori’oa na ia iloa e moni le Atua. Sa ia iloaina lava i taimi uma. Sa ia tusia sa faatogafiti o ia e le tiapolo. Sa ta’u atu e le tiapolo ia Kori’oa e aoao atu pepelo e uiga i le Atua ma Iesu. Ina ua iloa e tagata le mea moni e uiga ia Kori’oa, sa latou le talitonu i ana aoaoga. Sa latou salamo ma amata ona toe mulimuli ia Iesu.

Alema 30:52–53, 57–58