Taitaiau o Moronae ma Sera’emina

Ata

Ua taitai e Sera’emina ana autau

O Sera’emina o le taitai o le autau a sa Lamana. Sa manao o ia e pule ia sa Nifae ma faia i latou e auauna atu i lona nuu. Sa taitai e Sera’emina ana autau e osofaia sa Nifae.

Alma 43:3–8

Ata

Ua vaavaai atu le autau a sa Nifae i le autau a sa Lamana

Sa mananao sa Nifae e puipui o latou fale, aiga, ma le tapuaiga. Sa latou iloa o le a le mafai ona latou tapuai i le Alii pe afai e pule sa Lamana ia i latou. Sa filifili sa Nifae e tau ma o latou fili.

Alema 43:9–10, 14–15

Ata

Ua vaai atu Moronae i luma ma ao o loo i tua

O se tagata e igoa ia Moronae o le taitaiau o autau a sa Nifae. Na faamautinoa e Moronae ua saunia ana autau e tau.

Alema 43:16–17

Ata

Ua sauni Taitaiau Moronae ma fitafita sa Nifae e tau

Na aumai e fitafita a Moronae ni auupega, ma sa tuu atu e Moronae ia i latou ni ofutau malolosi ma talita e puipuia ai i latou.

Alema 43:18–19

Ata

Ua vaavaai atu sa Lamana i le autau a sa Nifae ma foliga fefefe

Na ave e Moronae ana autau e tau ma sa Lamana. Ae ina ua vaai atu sa Lamanā ua i ai i sa Nifaē ni ofutau ma talita, sa latou fefefe e tau. Sa na o ofu manifinifi a sa Lamana ma e leai ni ofutau e puipuia ai i latou.

Alema 43:19–21

Ata

Ua taufetuli fitafita sa Lamana i le vaomatua

Na o ese sa Lamana. Sa latou taumafai e fetolofi atu i se isi nuu o sa Nifae. Sa latou manatu o le a le iloa e Moronae le mea na latou o i ai.

Alema 43:22

Ata

O sipai sa Nifae ua vaaia fitafita sa Lamana o tamomoe

Ae o le taimi lava na o ese ai sa Lamanā, na auina atu ai e Moronae ni sipai e mulimuli ia i latou.

Alema 43:23

Ata

Ua faalogologo le fitafita sa Nifae ia Alema

Ona auina atu lea e Moronae se savali i le perofeta o Alema. Sa ia manao ia Alema e fesili atu i le Alii po o le a le mea sa fuafua sa Lamana e fai. Na ta’u atu e le Alii ia Alema o loo fuafua sa Lamana e osofaia se laueleele vaivai e taua o Maneti. Sa faalogo Moronae ia Alema. Sa ia taitaia ana autau e tau faasaga ia sa Lamana.

Alema 43:23–33

Ata

O fitafita sa Lamana ma sa Nifae ua tau le tasi ma le isi

Sa tau ia autau. Sa matua malolosi ma feita sa Lamana. Sa oo ina fefefe sa Nifae ia sa Lamana ma o le a sosola ese. Ae sa faamanatu atu e Moronae ia i latou o latou aiga ma le faatuatua, o lea sa latou tau ai pea.

Alema 43:34–37, 43–48

Ata

Ua uu e Moronae le lima e taofi ai le taua

Na tatalo sa Nifae i le Alii mo se fesoasoani. Sa tali mai le Alii ia latou tatalo ma tuu atu ia i latou le mana tele. O lenei sa fefefe sa Lamanā. Sa maileia i latou ma sa le mafai ona sosola ese. Ina ua vaai atu Moronae ua fefefe sa Lamana, sa ia ta’u atu i ana fitafita e taofi le taua. Sa lei manao Moronae e fasiotia sa Lamana.

Alema 43:49–53; 44:1–2

Ata

Ua talanoa atu Moronae ia sa Lamana

Na ta’u atu e Moronae ia Sera’emina e mafai ona o sa Lamana pe afai latou te folafola atu e le toe tau lava ma sa Nifae. Sa ita Sera’emina ma taumafai e tau pea, ae sa le mafai ona ia faatoilaloina fitafita a Moronae. Ona folafola atu lea e Sera’emina ma ana autau e ola i le filemu, ma sa tuu atu i latou e Moronae e o.

Alema 44:1–20