“Teanekuma ma Moronae,” Tala o le Tusi a Mamona (2023)
Teanekuma ma Moronae
Faaalia o le lototele tele
Ina ua maliu Amalekia, sa avea lona uso o Amorona ma tupu o sa Lamana. Sa tau pea Amorona ma sa Nifae. Sa alu pea le taua mo le tele o tausaga. Na amata ona manumalo sa Nifae, o lea na sosola ese uma ai autau a sa Lamana i le aai e tasi. Sa savavali atu Moronae, Teanekuma, ma se isi taitaiau sa Nifae e tuliloa sa Lamana ma a latou autau.
Alema 52:3–4; 54:16–24; 62:12–35
Sa ita Teanekuma ona o Amalekia ma Amorona na mafua ai lenei taua tele, ma le umi. Ona o le taua, e toatele tagata na maliliu ma sa itiiti lava ni meaai. Sa manao Teanekuma e faamuta le taua. Sa alu atu o ia i le aai i le po e sue Amorona.
Sa a’e Teanekuma i luga o le puipui o le aai. Sa alu atu o ia mai lea nofoaga i lea nofoaga seia oo ina ia maua le mea sa moe ai Amorona.
Sa velo e Teanekuma se tao ia Amorona. Sa taia ai o ia i talaane o le fatu. Ae na fafagu e Amorona ana auauna ae lei maliu o ia.
Sa tuli e auauna a Amorona ia Teanekuma ma fasiotia o ia. O isi taitai sa Nifae sa faanoanoa tele ina ua maliu Teanekuma. Sa ia tau ma le lototoa mo le saolotoga o lona n uu.
E ui ina sa maliu o ia, ae sa fesoasoani Teanekuma ia sa Nifae e manumalo i le taua. Sa ia faia ia le toe i ai ia sa Lamana so latou taitai. O le taeao na sosoo ai, na tau ai e Moronae ma sa Lamana ma manumalo ai. Na tuua e sa Lamana le laueleele o sa Nifae, ma sa faamutaina le taua.
Na iu lava ina i ai le filemu. Sa galue malosi Moronae ina ia saogalemu atili le laueleele o sa Nifae mai ia sa Lamana. Ona alu lea o Moronae i le fale e nofo i le filemu. Sa aoao atu e perofeta le talalelei ma taitaia le Ekalesia a le Atua. Sa faalagolago tagata i le Alii, ma sa Ia faamanuiaina i latou.