O Le Auuso o Nifae ma Liae

Ata

ua aoao atu e le auuso o Nifae ma Liae tagata, ma ua lata ane se autau a sa Lamana

O Nifae ma Liae o se auuso o e sa mananao i tagata uma ia iloa e uiga i le talalelei a Iesu Keriso. Sa i ai sa Nifae ma sa Lamana i le taua, ae sa aoao pea e le auuso ia tagata mai vaega uma e lua. I se tasi aso a o la malaga atu e aoao tagata, sa faafalepuipuiina i laua e se autau a sa Lamana.

Helamana 3:20–21, 37; 4:4–5, 14; 5:4–21

Ata

Ua savavali atu le autau a sa Lamana agai i le falepuipui o loo i ai Nifae ma Liae

I le tele o aso mulimuli ane, na o mai ai le autau i le falepuipui e fasiotia Nifae ma Liae.

Helamana 5:22

Ata

o se afi faatali’oli’o ma le malamalama ua puipuia ai Nifae ma Liae, ua pauu i lalo fitafita, ma oo mai se ao pogisa

A o lei mafai e soo se tasi ona faatiga ia Nifae ma Liae, sa oo mai se afi faatali’oli’o ma siomia ai i laua. E lei mu i laua i le afi. Nai lo lena, sa tausia i laua e le Atua ia saogalemu. Ona luluina lea o le eleele. Sa pei o le a pauu i lalo puipui o le falepuipui. E lei umi, ae ufitia e se ao pogisa isi tagata uma i le falepuipui. Sa matua fefefe tagata.

Helamana 5:23–28

Ata

tagata o loo tutu i se ao pogisa ma vaai atu i se malamalama faaniutu

Sa oo mai se leo mai luga a’e o le ao pogisa. Sa filemu, e pei o se musumusu, ae sa lagona e tagata i o latou loto. O le siufofoga o le Atua. Sa ta’u atu e le Atua ia i latou ia salamo.

Helamana 5:29–30, 46–47

Ata

o alii ma tamaitai o loo tilotilo ae i luga i ao pogisa ua mavavae

Sa toe luluina le eleele ma le falepuipui. Sa toe oo mai le leo ma ta’u atu i tagata ia salamo. Sa le mafai e tagata ona gaoioi ona o le ao ma lo latou fefefe.

Helamana 5:31–34

Ata

ua faasino atu Aminatapu ia Nifae ma Liae, o e o loo susulu ma tilotilo ae i luga

O se tasi o alii i le motu o tagata sa igoa ia Aminatapu. Sa i ai se taimi na auai ai o ia i le Ekalesia a le Atua. Sa ia vaaia foliga o Nifae ma Liae ua amata ona susulu ma le malamalama. Sa foliga mai o ni agelu i laua. Sa foliga mai sa la talanoa atu i se tasi i le lagi. Sa ta’u atu e Aminatapu i tagata uma e vaai ia Nifae ma Liae.

Helamana 5:35–39

Ata

e toatele alii ma tamaitai ua tilotilo a’e i luga i ao pogisa ma tatalo

Sa fesili atu tagata ia Aminatapu po o le a se mea e mafai ona latou faia e aveese ai le ao pogisa. Sa faasoa atu e Aminatapu mea sa ia iloa e uiga i le Atua ma Iesu. Sa ia ta’u atu i tagata ia salamo, faatuatua ia Iesu, ma tatalo i le Atua. Sa faalogo tagata ia Aminatapu. Sa latou tatalo seia oo ina aluese atu le pogisa.

Helamana 5:40–42

Ata

ua tatalo tagata a o siomia e le malamalama ma le afi

O le afi mai le Atua na siomia ai tagata uma ma sa lei susunuina ai i latou. Sa faatumulia tagata i le Agaga Paia ma sa fiafia tele. Sa latou faia ni tala ofoofogia. Na toe oo mai foi le leo. Sa ta’u atu ia i latou ia maua le filemu ona o lo latou faatuatua ia Iesu. Na o mai agelu ma asiasi atu i tagata.

Helamana 5:43–49

Ata

ua tuua e Nifae ma Liae le falepuipui, ae vaavaai atu tagata

Na tuua e Nifae, Liae, ma tagata uma le falepuipui. Sa latou ta’u atu i le toatele o tagata i le salafa o le laueleele mea sa latou vaaia ma faalogo i ai i lena aso. O le toatele o sa Lamana sa talitonu ma filifili e mulimuli ia Iesu. Sa le toe tau i latou i le taua. Nai lo lena, sa latou fesoasoani i tagata ia faatuatua ia Iesu ma salamo.

Helamana 5:50–52; 6:1–6