“O Tamaitai i le Vao,” Tala o le Tusi a Mamona (2023)
O Tamaitai i le Vao
Savavali ma le Alii
Sa malaga faatasi afafine a Isamaeli ma lo latou aiga i le vao. Sa faigata le malaga. Ina ua mavae sina taimi, sa latou faaipoipo atu i atalii o Liae ma Sarai.
I se tasi aso, na maliu ai Isamaeli. Sa faanoanoa tele ona afafine. Sa latou misia lo latou tama. Sa popole afafine o le a feoti foi i latou ma o latou aiga i le vao. Sa latou le fiafia ia Liae ma Nifae, ma sa latou mananao e toe foi atu i le fale i Ierusalema.
Sa fetalai atu le siufofoga o le Alii i afafine o Isamaeli ma o latou aiga. Sa latou salamo, ma sa faamanuiaina i latou e le Alii.
Sa fananau pepe a fafine i le vao. Sa toe maua foi e Sarai nisi atalii se toalua, o Iakopo ma Iosefa.
Sa fesoasoani le Alii i tamaitai i la latou malaga. Sa ia faamanuiaina i latou i le tele o suasusu mo a latou pepe. Sa ia fesoasoani i tamaitai ia malolosi atili a o latou faimalaga.
Na fetalai mai le Alii o loo Ia taitaia afafine ma o latou aiga i se nuu folafolaina. Sa folafola atu e le Alii i aiga o le a latou maua mea uma latou te manaomia a o latou faimalaga. Sa Ia faia meaai sa latou sailia ia lelei e aai ai, ma sa Ia taialaina i latou.
Ina ua mavae le valu tausaga i le vao, sa taunuu aiga i le sami. Sa olioli tamaitai ma o latou aiga. Sa matagofie le laueleele i tafatafa o le sami. Sa latou faaigoaina o Nuumau aua sa tumu i fualaau aina ma le meli e ai. Sa saunia e le Alii mea uma mo i latou.