Kitiona, Alema, ma Ne’oa

Ata

o Alema le Itiiti o loo faalogo i lona tamā

Sa filifili e sa Nifaē ia Alema le Itiiti e avea ma o latou faamasino sili. O Alema foi o le faitaulaga sili o le Ekalesia.

Mosaea 29:41–44

Ata

O Ne’oa o loo faasino atu i le lagi

O se alii na igoa ia Ne’oa na amata ona aoaoina tagata i se mea na ia ta’ua o le afioga a le Atua. Ae sa ia aoao atu i tagata e le manaomia ona latou usitai i le Atua pe salamo.

Alema 1:2–4, 15

Ata

o tagata o loo aumaia tupe ia Ne’oa

E toatele tagata sa fiafia ma talitonu i le mea na fai mai ai Ne’oa. Sa manao o ia i tagata e avatu ia te ia tupe ma vivii atu ia te ia. Sa ia manatu ua sili atu o ia nai lo isi tagata. Sa ia faia lana lava lotu, ma e toatele tagata na faalogo ia te ia.

Alema 1:3, 5–6

Ata

Ne’oa o loo finau ma Kitiona

I se tasi aso, sa feiloai ai Ne’oa i se toeaina matua na igoa ia Kitiona. O Kitiona o se faiaoga i le Ekalesia a le Atua ma sa ia faia le tele o mea lelei. Sa manao Ne’oa i tagata e tuua le Ekalesia, o lea sa ia finau ai ma Kitiona. Sa faaaoga e Kitiona ia afioga a le Atua e faaalia ai e lei aoaoina atu e Ne’oa le upumoni. Sa ita Ne’oa! Sa ia fasiotia Kitiona i lana pelu.

Alema 1:7–9, 13

Ata

Ne’oa o loo finau ma Alema

Na ave e tagata Ne’oa ia Alema ina ia faamasinoina. Sa taumafai Ne’oa e puipui le mea sa ia faia. Sa le’i manao e faasalaina o ia.

Alema 1:10–11

Ata

Alema o loo tuuina atu le faamasinoga

Na fai mai Alema o aoaoga a Ne’oa e sese ma e mafai ona faatiga ai tagata. Na mulimuli Alema i le tulafono. Ona sa fasiotia e Ne’oa ia Kitiona, o lea na fasiotia ai Ne’oa.

Alema 1:12–15

Ata

Alema o loo mafaufau e uiga i tagata

A o le’i oti o ia, sa ta’u atu e Ne’oa i tagata sa pepelo o ia. Na te le’i aoaoina atu le afioga a le Atua. E ui ina fai mai Ne’oa e sese o ia, ae e toatele tagata na mulimuli i lana faataitaiga. Sa latou pepelo i tagata ina ia maua viiga ma tupe. Ae sa faalogo isi tagata ia Alema. Sa latou tausia e matitiva ma tausia poloaiga a le Atua.

Alema 1:15–16, 25–30