O Se Afa i luga o le Sami

Ata

o aiga o loo aumaia meaai i luga o le vaa

Na ta’u atu e le Alii ia Liae ua oo i le taimi e o ai i le vaa. Sa teuina e aiga le tele o meaai e aai ai a o latou malaga. Ona latou o uma lea i luga o le vaa ma folau atu i le nuu folafolaina.

1 Nifae 18:5–8

Ata

o tagata o loo inu [ava] a o i ai i luga o le vaa

Ina ua mavae le tele o aso i le sami, sa amata ona le faaaloalo ma le migao nisi o tagata. Na galo ia i latou na fesoasoani le Alii ia i latou.

1 Nifae 18:9

Ata

Lemuelu, Nifae, ma Lamana i luga o le vaa ma se afā ua oo mai

Sa popole Nifae nei o latou faatiga i le Alii. A aunoa ma le fesoasoani a le Alii, o le a le saogalemu lo latou vaa. Sa fai atu Nifae i ona uso e taofi.

1 Nifae 18:10

Ata

O loo saisai e Lamana ma Lemuelu ia Nifae

Sa feita Lamana ma Lemuelu ia Nifae. Sa la saisaia o ia ma agaleaga ia te ia. Sa la le usitai i le Alii, ma sa le toe galue le Liahona. Na le’i umi ae oo mai se afā malosi. Ina ua mavae aso e tolu i le afā, sa latou fefefe uma ina ne’i o latou malelemo.

1 Nifae 18:10–13

Ata

fafine o loo aioi atu ia Lamana ma Lemuelu

Sa aioi atu le aiga o Nifae ia Lamana ma Lemuelu e tatala Nifae. Ae sa le’i faatagaina e Lamana ma Lemuelu se tasi e tatalaina Nifae. Sa faanoanoa Sarai ma Liae ma oo ai ina mama’i tigaina. Sa le’i uma le afa.

1 Nifae 18:17–19

Ata

Nifae ma le Liahona

I le aso lona fa, na iloa ai e Lamana ma Lemuelu o le a goto le vaa. Sa la salamo ma tatalaina Nifae. Ina ua tatalo Nifae, na muta le afā. Sa toe galue foi le Liahona. Sa faaaogaina e Nifae e uli ai le vaa i le itu sa’o.

1 Nifae 18:14–15, 20–22

Ata

o aiga o loo tuua le vaa ma Liae o loo tatalo

Ina ua mavae aso e tele, sa oo atu aiga i le nuu folafolaina.

1 Nifae 18:23