“O se Auauna Fafine a Sa Nifaē,” Tala o le Tusi a Mamona (2023)
O Se Auauna Fafine a Sa Nifaē
Fesoasoani e puipui lona nuu
Sa galue se auauna fafine mo se taitai sa Nifae e igoa ia Morianetona. Sa faatupuina e Morianetona se faafitauli i tagata. Sa ia osofaia se vaega o sa Nifae ma taumafai e ave lo latou laueleele. Ona ia fuafua lea e malaga i matu ma lona nuu ia maua le eleele iina.
I se tasi aso, sa ita ai Morianetona i le auauna fafine. Sa ia faia o ia ma le leaga tele ma faatiga ia te ia. Na sola ese le auauna fafine ma momo’e atu i le tolauapiga a Taitaiau Moronae. Sa ia ta’u atu ia Moronae e uiga i mea leaga na faia e Morianetona. Sa talitonu Moronae ia te ia.
Sa fai mai foi le auauna fafine sa manao Morianetona e alu ma fai mo ia le laueleele i matu. Sa popole Moronae. E ono lamatia sa Nifae pe afai e ave e Morianetona le laueleele i matu. E ono afua ai ona le maua e tagata lo latou saolotoga.
Na auina atu e Moronae se autau e taofi Morianetona. Sa tau le nuu o Morianetona ma le autau ma faiaina ai. Sa latou folafola atu o le a fifilemu ma toe foi atu i lo latou laueleele. Ona sa lapataia Moronae e le auauna fafine, o lea na tumau ai le saogalemu o aai o sa Nifae.