Iakopo ma Serema

Ata

O loo aoaoina e Iakopo tamaiti

O Iakopo o se perofeta na vaai ia Iesu Keriso. Sa manao o ia ia talitonu tagata ia Iesu. Na aoao atu Iakopo i tagata e tausi poloaiga a le Atua. Sa ia galue malosi e aoao tagata e uiga ia Iesu.

2 Nifae 11:2–3; Iakopo 1:1–8, 17–19

Ata

O loo talanoa Serema ma tagata

I se tasi aso, na amata aoao atu ai e se alii e igoa ia Serema ia tagata. Ae na aoao atu Serema e le moni Iesu. Sa lelei Serema i le lauga atu, ma e toatele sa Nifae sa talitonu i mea sa ia fai atu ai. Ona o ia, na toatele ai tagata na le toe talitonu ia Iesu. Sa manao foi Serema ia tuu e Iakopo le talitonu ia Iesu.

Iakopo 7:1–5

Ata

O loo tautala ma tusi atu Serema ia Iakopo

Fai mai Serema e leai se tasi e mafai ona iloa le mea o le a tupu i le lumanai. Sa ia fai mai o lona uiga e leai se tasi e mafai ona iloa pe moni Iesu, aua e le’i afio mai lava Iesu i le lalolagi. Ae na fai atu Iakopo o tusitusiga paia ma perofeta uma na aoao mai e uiga ia Iesu. Na faaali atu e le Atua ia Iakopo o le a afio mai Iesu i le lalolagi.

Iakopo 7:6–12

Ata

Serema o loo tautala ma ataata

Sa le talitonu lava Serema. Sa manao o ia ia faaali atu e Iakopo ia te ia se faailoga e moni Iesu.

Iakopo 7:13

Ata

O Iakopo o loo sii i luga lona lima

Fai mai Iakopo na iloa e Serema o le a afio mai Iesu ma sa le manaomia se faailoga. Ae na fai atu Iakopo o le a faamatapogia e le Atua ia Serema e faaalia ai o loo i ai le mana o le Atua ma e moni Iesu.

Iakopo 7:14

Ata

Ua pa’u Serema i ona tulivae faapea ma tagata latalata ane

Na faafuasei lava, ona ma’i Serema ma pa’u i le eleele. Ina ua mavae le tele o aso, sa ia iloa o le a maliu o ia. Sa ia ta’u atu i tagata na faaseseina o ia e Satani. Sa ia fai mai na pepelo o ia i le Atua. Sa ia iloa i le taimi atoa e moni Iesu. Ona oti ai lea o Serema. Sa faitau e tagata tusitusiga paia ma talitonu ia Iesu.

Iakopo 7:15–23