Teanekuma

Ata

Ua talanoa Teanekuma ia Taitaiau Moronae i le tolauapiga

O Teanekuma o se taitai i le autau a Taitaiau Moronae. Sa taumafai o ia e tausia le saogalemu o aai o sa Nifae mai ia sa Lamana.

Alema 50:35; 52:19

Ata

O fitafita a Amalekia ma sa Lamana ma auupega

O Amalekia o se sa Nifae na avea ma tupu o sa Lamana. Sa manao o ia e pule foi i tagata sa Nifae. Sa ia osofaia sa Nifae ma pulea le tele o aai.

Alema 47:1, 35; 48:1–4; 51:23–28

Ata

O le autau a sa Nifae o loo savavali

Na o atu le autau a Teanekuma e taofi le autau a Amalekia mai le osofaia o aai o sa Nifae.

Alema 51:28–30

Ata

o autau o loo faafesagai le tasi ma le isi i le goto o le la

Sa tau autau mo le aso atoa. Sa tau Teanekuma ma lana autau ma le malosi sili atu ma le tomai nai lo le autau a Amalekia. Ae e leai se tasi o autau na manumalo. Ina ua oo ina pogisa, sa le toe tau uma autau e lua ina ia mafai ona malolo.

Alema 51:31—32

Ata

O teanekuma o loo nofo i luma o le afi o le tolauapiga

Ae sa lei malolo Teanekuma. Sa la o atu faalilolilo ma lana auauna i le tolauapiga a Amalekia.

Alema 51:33

Ata

O Teanekuma o loo tu i lalo o le masina i le faleie o Amalekia

Sa tolotolo atu Teanekuma i totonu o le faleie o Amalekia. Sa ia fasiotia Amalekia a o lei ala a’e Amalekia. Ona toe foi atu lea o Teanekuma i lana tolauapiga ma fai atu i ana fitafita e sauni e tau.

Alema 51:33–36

Ata

Ua feala i luga sa Lamana ma foliga fefefe

Ina ua feala ae sa Lamana, sa latou iloa ai ua oti Amalekia. Sa latou vaai foi ua saunia Teanekuma ma lana autau e tau ma i latou.

Alema 52:1

Ata

Ua sosola ese sa Lamana mai le autau a Teanekuma

Sa fefefe sa Lamana ma sosola ese. O le fuafuaga a Teanekuma na fefefe tele ai sa Lamana e osofaia isi aai o sa Nifae. Ua maua nei e Teanekuma le taimi e faasaogalemu atili ai aai o sa Nifae. Sa ia galue malosi e puipui lona nuu. Sa mafai ona ia tausia le tele o aai o sa Nifae i le saogalemu.

Alema 52:2–10