“O Le Tupu o sa Lamana Uma,” Tala o le Tusi a Mamona (2023)
“O Le Tupu o sa Lamana Uma,” Tala o le Tusi a Mamona
O Le Tupu o sa Lamana Uma
Manao e aoao e uiga i le Alii
Sa i ai se tupu o sa Lamana sa pule i isi o latou tupu uma. O ia o le tamā o le Tupu o Lamonae. Sa ia manatu o sa Nifae o ni fili. I se tasi aso, sa ia vaai ai ia Lamonae ma Amona. Sa fesili atu le tupu ia Lamonae po o le a lana mea sa fai faatasi ma se sa Nifaē. Sa ta”u atu e Lamonae i le tupu o le a laua faasaolotoina uso o Amona mai le falepuipui.
Mosaea 10:11–17; Alema 20:1–12
Na ita le tupu. Sa manatu o ia o loo pepelo sa Nifae i le taumafai e gaoi mai ia sa Lamanā. Sa ia ta’u atu ia Lamonae e fasioti Amona ma sau la te o.
O le a le fasiotia e Lamonae Amona. Sa ia ta’u atu i le tupu o Amona ma ona uso o perofeta a le Atua. Sa ia fai atu o le a ia fesoasoani i uso o Amona.
Sa se’i i fafo e le tupu lana pelu e fasi ai Lamonae, ae sa taofi o ia e Amona. Na osofaia e le tupu Amona nai lo [Lamonae]. Sa puipuia e Amona ia lava. Sa ia taia le lima o le tupu ina ia le mafai ona tau le tupu. Sa fefe le tupu ona o le malosi o Amona. Sa ia folafola atu e avatu ia Amona le afa o lona malo pe afai e faaola o ia e Amona.
Sa le’i manao Amona i le malo. Nai lo lena, sa ia fai atu i le tupu e faasaoloto ona uso mai le falepuipui. Sa ia fai atu foi i le tupu e tuu lona ita ia Lamonae. Na fai atu Amona e tatau i le tupu ona tuu atu ia Lamonae e pule i le ala na ia manatu e sili ona lelei.
Sa faateia le tupu i le tele o le alofa o Amona mo Lamonae. Sa malie o ia e fai mea uma na fai atu ai Amona.
Sa manao le tupu e aoao atili e uiga i mea na ta’u atu e Amona ma Lamonae ia te ia e uiga i le Atua. Sa ia talosagaina Amona ma ona uso e o mai ma aoao o ia.
Na o Amona ma Lamonae i le laueleele o Mitonae. Sa i ai uso o Amona i le falepuipui iina. Sa noatia i latou i maea ma sa lei tuuina atu i ai ni meaai po o ni vai. Sa faatalitonuina e Lamonae le taitai o Mitonae e faasaoloto uso o Amona.
O le taimi lava na latou saoloto ai, sa o atu uso o Amona i le tamā o Lamonae. Sa latou ifo i le tupu ma talosagaina e avea ma ana auauna. Na fai mai le tupu leai. Nai lo lena, sa ia manao ia i latou e aoao o ia e uiga i le talalelei. O se tasi o le auso sa igoa ia Arona. Sa ia faitau atu tusitusiga paia i le tupu ma aoao o ia e uiga i le Atua ma Iesu Keriso.
Na talitonu le tupu ia Arona. Sa ia fai mai o le a ia lafoai lona malo atoa ia iloa ai le Atua. Na ia fesili ia Arona po o le mea e tatau ona ia faia. Sa ta’u atu e Arona i le tupu ia salamo ma tatalo i le Atua ma le faatuatua. Sa salamo le tupu i ana agasala uma ma tatalo.
Sa pa’u ifo le tupu i le eleele Sa taufetuli atu auauna a le tupu e ta’u atu i le masiofo.
Sa sau le masiofo ma vaai i le tupu i luga o le eleele. Sa manatu o ia ua fasioti e Arona ma ona uso le tupu. Na ita le masiofo.
Sa fai atu le masiofo i auauna e fasioti Arona ma ona uso. Peitai sa fefefe auauna. Sa latou fai mai ua malolosi tele Arona ma ona uso. O lenei sa fefe le masiofo. Sa ia auina atu auauna e ta’u atu i tagata i le aai le mea na tupu. Sa faamoemoe o ia o le a fasiotia e tagata Arona ma ona uso.
Sa iloa e Arona o le a feita tagata. Sa ia iloa foi e le’i maliu le tupu. Sa ia fesoasoani i le tupu e tu i luga. Sa toe maua e le tupu lona malosi ma tu i luga. Sa faateia le masiofo ma auauna.
Sa aoao atu e le tupu le masiofo ma auauna e uiga ia Iesu. Sa latou talitonu uma ia Iesu. Sa manao le tupu i ona tagata uma e aoao e uiga ia Iesu. Sa ia faia se tulafono e mafai ai e Arona ma ona uso ona aoao atu le talalelei i soo se mea i lona malo. Sa latou aoaoina tagata ma valaauina ositaulaga ma aoao i le laueleele.